Sin

Yehudiy yashliridin yoséf we déwora bilen söhbet: “Uyghur qirghinchiliqigha qarshi sadalar téximu zoriyishi zörür!”

2024-05-09

Uyghur diyaridiki qirghinchiliq tashqi dunyagha melum bolushqa bashlighan waqitlardila dunya miqyasida mu'eyyen hésdashliqqa we oxshimighan shekillerdiki qollashlargha ige bolup keldi. Shan robérts, jéymis milward, adryan zénzgha oxshash bir qisim alimlar we mutexessisler buninggha qarshi turush mezmunidiki eserlerni wujudqa chiqarghan bolsa, yene bir türküm yash oqughuchilar, bolupmu ilgiri Uyghurlar bilen tonushluqi bolmighan chet'ellik yashlar heqqaniyetni himaye qilish nuqtisidin bu sepke qoshuldi. Yehudiy yashliridin yoséf ros (Yosef Roth)ni ene shu xildiki yashlardin déyish mumkin. Igilishimizche, yéqinda rabbay (Rabbi) liq layaqitige érishken yoséf özining gugul (Google) shirkitide yumtal inzhénéri bolup ishleshtek xizmitining höddisidin chiqish bilen birlikte yillardin buyan ayali déwora chayt (Devora Chait) bilen qol tutushup, Uyghur irqiy qirghinchiliqigha qarshi turush yolidiki köpligen pa'aliyetlerge aktip ishtirak qilip kelmekte. Bolupmu ular qurup chiqqan “Uyghur ittipaqi” namidiki puqrawiy teshkilat nyo york we washin'gton sheherliride köp qétimlap ammiwi namayishlarni uyushturup, Uyghur irqiy qirghinchiliqini amérika jama'itige chüshendürüshte pa'al rol oynap kelmekte.

Köp körülgen