Хитайниң CGTN телевизийәси әнглийәдә чәклиниши мумкин икән

Мухбиримиз җүмә
2020.07.26
Share on WhatsApp
Share on WhatsApp
CGTN-StillNoInfo.jpg Хитайниң тәшвиқат аппарати болған CGTN қанили “StillNoInfo#” һәрикитини қарилашқа урунмақта.
Social Media

Хитайниң дөләт игидарчилиқидики телевизийә қанили CGTN - йәни йәршари телевизийә торини әнглийә һава долқунлиридин чәкләш бесими барғанчә күчийишкә башлиған.

“гардиян” (һамий) гезитиниң 26-июлдики хәвиригә қариғанда, CGTN әнглийәниң мунасивәтлик органлири билән түзгән “битәрәп туруш келишими” кә хилаплиқ қилип, өз қанилида мәҗбурий иқрар қилдурушқа аит программиларни аңлатқан. Бу сәвәблик әнглийә радио телевизийә ишлирини башқуруш идариси-офком хитай йәршари телевизийә торини әнглийә һава долқунлиридин чиқириветиш бесимға дуч кәлгән.

Хәвәргә қариғанда, нөвәттә әнглийә радио телевизийә ишлирини башқуруш идариси CGTN ториниң әнглийәдики инглизчә қанили үстидин 3 түрлүк тәкшүрүш елип бармақта икән.

Мәзкур идарә CGTN ниң бу айниң бешида хитайда тутуп турулуватқан әнглийә мухбири питер һумфирйниң мәҗбурий иқрар қилдурулғанлиқиға аит хәвәрни тарқитип “битәрәп туруш келишими” хилаплиқ қилғанлиқини дәлилләп чиққан. 

Униңдин башқа мәзкур идарә йәнә CGTN хитайдики сиясий партийәниң контроллуқида болғанлиқи үчүн уни әнглийәдә хәвәр тарқитиштин пүтүнләй чәкләш һәққидә бир парчә шикайәт тапшурулувалған. 

Бу шикайәтни әнглийәдики “һоқуқ һиматчилири” дәп атилидиған бир кишилик һоқуқ тәшкилати бу йилниң бешида сунған. 

Мәзкур телевизийә қанили үстидин сунулған йәнә бир шикайәт хоңкоңлуқ китапчи гуй минхәйниң қизи ангела гуй тәрипидин сунулған. 

Гуй минхәй 2015-йили хитайда тутқун қилинғандин кейин CGTN униң бесим астидики товинамисини әнглийәдә тарқатқан. Гуй минхәй 2018-йили қоюп берилгән болсиму йәнә тутуп кетилгән болуп, у һелиһәм хитайда тутқунда икән. 

CGTN Әслидики хитай мәркизий телевизийә истансиси CCTV дин өзгәртилгән хитай компартийәсиниң биваситә башқурушидики телевизийә тори болуп, у өткән йили америкида “һөкүмәт вакаләтчиси” дәп тизимға елинған вә америкида хәвәр бериштин чәкләнгән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.