Xitayning CGTN téléwiziyesi en'gliyede cheklinishi mumkin iken

Muxbirimiz jüme
2020.07.26
Share on WhatsApp
Share on WhatsApp
CGTN-StillNoInfo.jpg Xitayning teshwiqat apparati bolghan CGTN qanili “StillNoInfo#” herikitini qarilashqa urunmaqta.
Social Media

Xitayning dölet igidarchiliqidiki téléwiziye qanili CGTN - yeni yershari téléwiziye torini en'gliye hawa dolqunliridin cheklesh bésimi barghanche küchiyishke bashlighan.

“Gardiyan” (hamiy) gézitining 26-iyuldiki xewirige qarighanda, CGTN en'gliyening munasiwetlik organliri bilen tüzgen “Biterep turush kélishimi” ke xilapliq qilip, öz qanilida mejburiy iqrar qildurushqa a'it programmilarni anglatqan. Bu seweblik en'gliye radi'o téléwiziye ishlirini bashqurush idarisi-ofkom xitay yershari téléwiziye torini en'gliye hawa dolqunliridin chiqiriwétish bésimgha duch kelgen.

Xewerge qarighanda, nöwette en'gliye radi'o téléwiziye ishlirini bashqurush idarisi CGTN torining en'gliyediki in'glizche qanili üstidin 3 türlük tekshürüsh élip barmaqta iken.

Mezkur idare CGTN ning bu ayning béshida xitayda tutup turuluwatqan en'gliye muxbiri pitér humfiryning mejburiy iqrar qildurulghanliqigha a'it xewerni tarqitip “Biterep turush kélishimi” xilapliq qilghanliqini delillep chiqqan. 

Uningdin bashqa mezkur idare yene CGTN xitaydiki siyasiy partiyening kontrolluqida bolghanliqi üchün uni en'gliyede xewer tarqitishtin pütünley cheklesh heqqide bir parche shikayet tapshuruluwalghan. 

Bu shikayetni en'gliyediki “Hoquq himatchiliri” dep atilidighan bir kishilik hoquq teshkilati bu yilning béshida sun'ghan. 

Mezkur téléwiziye qanili üstidin sunulghan yene bir shikayet xongkongluq kitapchi guy minxeyning qizi an'géla guy teripidin sunulghan. 

Guy minxey 2015-yili xitayda tutqun qilin'ghandin kéyin CGTN uning bésim astidiki towinamisini en'gliyede tarqatqan. Guy minxey 2018-yili qoyup bérilgen bolsimu yene tutup kétilgen bolup, u hélihem xitayda tutqunda iken. 

CGTN Eslidiki xitay merkiziy téléwiziye istansisi CCTV din özgertilgen xitay kompartiyesining biwasite bashqurushidiki téléwiziye tori bolup, u ötken yili amérikida “Hökümet wakaletchisi” dep tizimgha élin'ghan we amérikida xewer bérishtin cheklen'gen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.