Exmetjan qasimining katipi abduréshit iminning repiqisi rizwan'gül xanim wapat boldi

Ixtiyariy muxbirimiz féruze
2020-05-21
Élxet
Pikir
Share
Print
Exmetjan qasimining katipi abduréshit iminning repiqisi rizwan'gül xanim. (Waqti we orni eniq emes)
Exmetjan qasimining katipi abduréshit iminning repiqisi rizwan'gül xanim. (Waqti we orni eniq emes)
RFA/Féruze

20-May küni qirghizistandiki Uyghur jama'etchiliki sherqiy türkistan jumhuriyitige xizmet qilghan wetenperwer-sha'ir abduréshit iminning repiqisi we tonulghan Uyghur ziyaliysi, "Ittipaq" gézitining bash muherriri ekberjan bawudunofning anisi rizwan'gül exmetjanni baqi dunyagha uzatti.

Rizwan'gül xanimning yoldishi abduréshit imin 1949-yili 8-ayda milliy azadliq inqilab rehbiri exmetjan qasimi qatarliqlar bilen birge qazagha uchrighan bolup, u eyni waqitta" ittipaq "Axbarat ishxanisining mes'ul xadimi idi. Abduréshit imin tonulghan sha'ir we" inqilabi sherqiy türkistan géziti "Ning muxbiri bolup, uni exmetjan qasimi köp jaylargha özi bilen birge xizmetke élip barghanidi.

Rizwan'gül xanim abduréshit iminning qazasidin kéyin perzentlirini özi béqip östürgenidi. Rizwan'gül hajim exmetjan qizi 1925-yili ghulja shehiride hünerwen a'iliside tughulghan. U deslep diniy mektipide oqup, kéyin boghaltirliq derslirini tügitip ghulja shehiridiki gilem fabrikisida boghaltir bolup ishligen.

1949-Yili rizwan'gül xanim, yoldishi abduréshit imin sherqiy türkistan jumhuriyitining rehberliridin exmetjan qasimi, général is'haqbék munonof qatarliqlar bilen birge hazirghiche sirliq weqe dep qariliwatqan ayropilan paji'eside qaza qilghanda hamilidar bolup, u üch kichik perzenti bilen qalghanidi.

1961-Yili rizwan'gül hajim töt balisi bilen sabiq sowét ittipaqigha köchüp chiqip bishkek shehirige orunlashqan. U, bishkek shehiride zawut-fabrikilirida ishlep ballirigha ilim terbiyesi bérip, ularni dadisigha oxshash milletperwer rohta terbiyelidi. Bu heqte radi'o ziyaritimizni qobul qilghan "Ittipaq" gézitining muherriri rehimjan hapizi ekberjan bawudunof we a'ilisige chongqur teziye bildürüp, merhumeni qehriman ana dep tonuydighanliqini tekitlidi.

Sherqiy türkistan jumhuriyiti dewride tughulghan gülbustan abduréshit, yeni rizwan'gül hajimning qizi ziyaritimizni qobul qilip, özining merhum ata-anisidin ghururlinidighanliqini, anisining özlirini muhajirette qanchilik qiyinchiliqlar bilen béqip chong qilghanliqini bayan qildi.

Qirghizistan Uyghurliri "Ittipaq" jem'iyitining re'isi esqer qasimof "Ittipaq" gézitining bash muherriri, pelsepe penlerning kondidat doktori ekbarjan bawudunof we uning a'ilisige chongqur teziye bildürdi.

Rizwan'gül hajimning ondin oshuq newre we yigirmidin oshuq chewrisi qaldi.

Rizwan'gül xanim sherqiy türkistan inqilabigha qatnashqan tarixiy shahitlar ichidiki eng axirqilarning biri bolup, hazir bishkek we almuta sheherliride 1944-1949-yilliridiki inqilabqa qatnashqan kishiler nahayiti sanaqliqla qalghan.

Toluq bet