Қазақистанлиқ абдуваһап һаким: "тағам абдухелил һашим күнәс түрмисидә җан үзгән, уруқ-туғқанлар хәвәр йәткүзүшкиму чарисиз"

Мухбиримиз шөһрәт һошур
2021-05-07
Share
Қазақистанлиқ абдуваһап һаким: Күнәстики йеңи түрмидә җан үзгән, ғулҗа шәһиридики төмүр содигири абдухелил һашим аилиси билән. (Вақти вә орни ениқ әмәс)
Oqurmen teminligen

Қазақистанда яшаватқан уйғурлардин тиҗарәтчи абдуваһап һакимниң радийомизға инкас қилишичә, униң ғулҗа шәһиридики тағиси - төмүр содигири абдухелил һашим 2‏-май күни күнәстики йеңи түрмидә җан үзгән. Абдуваһапниң дийишичә, у бу учурни өзиниң уйғур районидики мунасивәтлик учур қаналлири арқилиқ игилигән. Әмма униң ғулҗадики уруқ-туғқанлири абдухелилниң өлүми һәққидә һечқандақ учур берәлмигән. Мухбиримизниң телефоинини қобул қилған күнәс вә ғулҗа шәһиридики алақидар хадимлар абдухелил һашимниң әһвали һәққидә мәлумат бәрмиди, әмма униң өлүм хәвириниму инкар қилмиди.

Қазақистан вәтәдиши абдуваһап һаким уйғур районидики алақидар учур қаналлири арқилиқ күнәстики бир түрмидә җаза муддитини өтәватқан тағиси абдухелил һашимниң2-май күни түрмидә җан үзгәнлики һәққидә учур алған. Мәлум болушичә, бу йил 59 яшқа киргән абдухелил һашим ғулҗа шәһәр төпичи мәһәллидин болуп, у 2017‏-йили лагерға әкитилгән вә 2019-йилниң ахири 19 йиллиқ кесиветилгән икән. Мәлум болушичә, абдуваһап бу учурни алғандин кейин, алди билән ғулҗа шәһиридики уруқ-туғқанлириға телефон қилип вә үндидарда сөз қалдуруп, тағисиниң әһвали һәққидә мәлумат сориған. Әмма униң алдида бәзидә күндә, бәзидә һәптидә бир сөзлишип туруватқан уруқ-туғқанлири бу қетим телефонни һечқайсиси алмиған вә үндидардики соалиға җавап қайтурмиған.

Биз бу учурниң тоғрилиқини айдиңлаштуруш үчүн, или областлиқ түрмә башқуруш идарисиға телефон қилдуқ. Телефонимизни қобул қилған хадим абдухелил һашимниң әһвали һәққидә мәлумати йоқлуқини ейтти. Биз униңдин йеқинқи күнләрдә ғулҗа шәһәр төпичи мәһәллисидики аһалиләрдин түрмидә җаза муддитини өтәватқан аилә әзасиниң өлүм сәвәби яки җәситини сорап телефон қилған якиқилмиғанлиқини соридуқ. У өзиниң бундақ бир илтимасни қобул қилмиғанлиқини ейтти. Биз униңға абдухелил һашимниң 2-май күни җан үзгәнликини билдүргинимиздин кейинла, у бу ишларниң дөләт мәхпийәтликигә ятидиғанлиқи, бу хил соалларға җавап берәлмәйдиғанлиқини әскәртти.

Абдуваһап һакимниң ашкарилишичә, у бу учурни айдиңлаштуруш үчүн ғулҗа шәһиридки қарадөң сақчиханиси вә қазақистандики хитай әлчиханисиға телефон қилип баққан болсиму, телефони қобул қилинмиған. У даириләрдин вә ғулҗа шәһиридики уруқ-туғқанлиридин бу һәқтә җавап алалмиғандин кейин йәнә башқа қаналлири арилиқ күнәсниң өзидин әһвал сүрүштә қилғузған. Бу қетимму йәнила абдухелил һашимниң түрмидә өлгәнлики һәққидә учур алған вә һәтта абдухелилниң ғулҗа шәһиридики өйигә анчәмунчә-пәтичиләрниңму кирип-чиқиватқанлиқи һәққидә учур алған. Ғулҗа шәһәрлик сақчи идарисиниң хадимиму бу һәқтики соалимизға җавап берәлмиди.

Абдуваһапниң дейишичә, абдуехелил һашимниң өлүм учури коча хәвәрлири арқилиқ униң қазақистандики уруқ-туғқан вә тонуш-билишлириниңму қулиқиға йәткән. У төнүгүндин башлап өйидә пәтчиләрни күтивелишқа башлиған.

Күнәстә түрмидә вәзипә өтәватқан бир хадимабдухелил һашимниң өлүми һәққидики соаллиримизға буниңға пәқәт түрмә сиясий бөлүминиңла җавап берәләйдиғалиқини билдүрди вә абдухелилниң өлүм хәвирини инкар қилимиди.

Биз абдухелил һашимниң тутқунда икәнлики һәққидә алдинқи йили бир хәвәр бәргән идуқ. Шу хәвиримиздә қәйт қилинишичә, 3 балиниң атиси болған абдухелил һашим шаңхәйдә 20 йилчә тиҗарәт қилған, кейинки мәзгилләрдә қазақистандики уруқ-туғқанлири билән һәмкарлишип хәлқара төмүр содиси биләнму шуғулланған икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт