Доһада тосулуп қалған абликим йүсүп америкаға қарап йолға чиққан

Мухбиримиз алим сейитоф, мухбиримиз җүмә
2019-08-06
Елхәт
Пикир
Share
Принт
Абликим йүсүп (оңдин биринчи) хитайниң пакистанда турушлуқ сабиқ баш әлчиси сун вейдоң (солдин иккинчи) билән биргә.
Абликим йүсүп (оңдин биринчи) хитайниң пакистанда турушлуқ сабиқ баш әлчиси сун вейдоң (солдин иккинчи) билән биргә.
Ablikim Yusup teminligen

Доһа хәлқаралиқ айродромида тосулуп қелип хитайға йолға селиниш хәвпигә дуч кәлгән абликим йүсүп бүгүн америкаға қарап йолға чиққан.

Америка ташқи ишлар министирлиқи бу мунасивәт билән баянат елан қилип: «биз абликим йүсүп әпәндиниң бихәтәр һалда америкаға қарап келиватқанлиқини дәлилләймиз,» деди.

Баянатта йәнә мундақ дейилди: «америка һөкүмити хитайниң шинҗаңдики уйғур, етник қазақ, қирғиз вә башқа мусулманларға қарита йүргүзүватқан юқири бесимлиқ бастуруш һәрикитидин чөчүдуқ. Булар көләмләшкән мәҗбурий тутқун қилиш һәрикитиниму өз ичигә алиду.»

Баянатта хитай һөкүмитиниң 2017-йили апрелдин буян 1 милйондин артуқ адәмни тутқун қилғанлиқи көрситилди.

Америка һөкүмити баянатта башқа дөләтләрниму мусапирларни қайтурмаслиқ әһдинамиси вә башқа мунасивәтлик келишимләргә һөрмәт қилишқа чақирди.

Баянатта мундақ дейилди: «биз барлиқ дөләтләрни қайтурмаслиқ принсипиға һөрмәт қилип, өзиниң ‹тән җазаси вә башқа вәһший, қәбиһ яки инсан қелипидин чиққан муамилә яки җазалашқа қарши туруш әһдинамиси' һәмдә 1951 ‏-йилидики ‹мусапирлар салаһийити әһдинамиси' вә 1967 ‏-йилидики‹мусапирлар салаһийитигә мунасивәтлик келишим' ләрдә бәлгиләнгән конкретни мәҗбурийитини ада қилишқа чақиримиз.»

Хәвәргә қариғанда, абликим йүсүп бүгүн чүштин кейин саәт 4:00 ләрдә вашингтонға йетип келидикән.

Пикирләр (0)
Share
Толуқ бәт