Amérika eskerliri xitaygha qarshi manéwir bashlighan

Muxbirimiz jüme
2021-01-03
Share
Amérika eskerliri xitaygha qarshi manéwir bashlighan 2020-Yili dékabirda ötküzülgen amérika we yaponiyening déngiz armiye piyadiliri birlikte qatnashqan herbiy manéwirdin bir körünüsh.
Photo: RFA

Yaponiyede turushluq amérika déngiz armiye piyadiliri (déngiz armiyesining quruqluqta jeng qilghuchi qismi) xitaydin kélidighan herbiy xirislargha taqabil turush üchün, gherbiy tinch okyandiki arallar toqunushlirini asas qilghan halda herbiy meshiqlirini kücheytken.

"Wal strét zhurnili géziti" ning xewer qilishiche, xitayning herbiy sün'iy hemrahliri, tor urush iqtidari we amérikining herbiy küchi bilen bolghan perqni kichiklitish jehettiki tirishchanliqi seweblik amérika dölet mudapi'e ministirliqi xitayni "Küchi tengliship qéliwatqan reqib" dep ataydiken.

Yéqindin buyan dawam qiliwatqan bir nechche qétimliq manéwirlargha amérika we yaponiyening déngiz armiye piyadiliri birlikte ishtirak qilghan. Ularning teqlidiy wezipisi bolsa bayqilip qélishtin saqlinish hemde düshmenning bashqurulidighan bomba we zembirekliri muhasiridiki aral portni qayturuwélish iken.

Xewerde körsitishiche, xitayning bir herbiy küch süpitide otturigha chiqishigha egiship, besh burjeklik bina amérika eskerlirining istratégiyelik meshiq pilanini yéngilashqa qaytidin diqqet qilishqa bashlighan.

Amérika shtab bashliqliri birleshmisining re'isi général mark milléy yéqinda mundaq dégen: "Xitayning qed kötürüshi amérikigha nisbeten eng muhim xewpsizlik riqabiti yaratmaqta, xitay armiyesi amérika bilen barawer bolushqa qarap yol aldi."

Öktebir we noyabir aylirida amérika déngiz armiyesining yaponiyede turushluq yettinchi floti déngiz armiye piyadiliri we yapon eskerliri bilen birliship yaponiyening jenubidiki okinawagha yéqin ikki aralni igilesh manéwiri élip barghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet