Amérika da'iriliri xitaygha qarshi mudapi'e sistémisini ilgharlashturmaqchi

Muxbirimiz memetjan jüme
2021-02-28
Share
Amérika da'iriliri xitaygha qarshi mudapi'e sistémisini ilgharlashturmaqchi Prézidént baydén seyshenbe küni kanada bash ministiri jastin trudo bilen torda uchrashti. 2021-Yili 23-féwral.
AP

Amérika we kanada da'iriliri xitay we rusiyege taqabil turush üchün shimaliy qutuptiki bashqurulidighan bomba közitish sistémisini ilgharlashturshqa tutun'ghan.

"Wol strét zhurnili" ning xewer qilishiche, prézidént baydén seyshenbe küni kanada bash ministiri jastin trudo bilen uchrashqanda, kanadaning mudapi'e serpiyatini köpeytip, shimaliy amérika awi'atsiye qomandanliq shtabini ilgharlashturushni telep qilghan.

Melum bolushiche, mezkur shtab amérika we kanada armiyesi soghuq munasiwetler urushi dewride sabiq sowét ittipaqigha qarshi turush üchün paydilan'ghan istratégiyeli'ik merkezlerning biri iken.

U, sün'iy hemrah, radar we hawa armiye bazisidin terkib tapqan bolup, amérikaning herbiy ittipaqdashlirigha shimaldin kélidighan hujumlardin aldin signal bérish üchün layihilen'gen iken.

Bu sistéma eyni waqittiki intayin zamaniwi sésitma bolsimu, amma uning nöwette rusiye we xitay peyda qilidighan herbiy xirislargha taqabil turushqa qurbi yetmeydiken.

"Wol strét zhurnili" da neqil qilishiche, prézidént baydin seyshenbe künidiki yighindin kéyin mezkur qomandanliq merkizini ochuq-ashkara tilgha alghan we hökümetlerning her ikki terep kontrolluqidiki mezkur mudapi'e sistémini zamaniwilashturushqa qoshulghanliqini bildürgen.

Uningdin bashqa mezkur téma jüme küni amérika tashqi ishlar ministiri antoniy billinkén bilen kanadaning yuqiri derijilik emeldarliri arisida ötküzülidighan uchrishishning kün tertipige kirgüzülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet