Konsérwatiplar ittipaqining yilliq yighinida xitay témisi eng asasliq orunni igiligen

Muxbirimiz memetjan jüme
2021-02-28
Share
Konsérwatiplar ittipaqining yilliq yighinida xitay témisi eng asasliq orunni igiligen Sabiq tashqi ishlar ministiri mayk pompéyo ependim amérika konsérwatiplar ittipaqining 2021-yilliq siyasiy heriket yighinida sözde. 2021-Yili 27-féwral. Florida, amérika.
Photo: RFA

Amérika konsérwatiplar ittipaqining 2021-yilliq siyasiy heriket yighinida xitaygha taqabil turush témisi eng asasliq orunni igiligen.

"Politiko" gézitining xewer qilishiche, 26-féwraldin buyan filorida shtatida échiliwatqan yighinda "Xitay amérikigha buzghunchiliq qiliwatidu", "Amérika soda guruhi xitaygha teslim boldi" qatarliq témilarda nutuq sözlen'gen.

Kéngesh palatasi ezasi tom skot jüme küni sözligen nutqida xitayning öz puqralirini öltüriwatqanli'ini tilgha alghan we mundaq dégen: "Men kommunist xitaygha payda yetküzüp, amérika ishchilirigha ziyan salidighan yenimu köp nachar soda kélishimlirige yol qoymaymen. Wuxen wirusi heqqide heqiqetni ashkarilighanliqi üchünla xitay öz puqralirini türmige tashlidi we öltürdi."

Xewerge qarighanda, bu ishtin xewerdar bir kishi bu yil orlandoda ötküzülidighan mezkur yighinni pilanlash jeryanida teshkilligüchilerning xitay heqqide on nechche guruppa yumilaq üstel muhakimisi orunlashturushni pilan qilghanliqini éytqan.

Melum bolushiche, 28-féwralghiche dawam qilidighan mezkur yighinda yene, xitayning xubéy ölkisidin tarqalghan korona wirusi témisimu xitaygha munasiwetlik munazirilerde otturigha chiqishi mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet