Amérika généralining koréye we yaponiyelik kesipdashliri bilen körüshi xitayni nishan qilghan dep qaralmaqta

Muxbirimiz memetjan jüme
2021-05-02
Share
Amérika généralining koréye we yaponiyelik kesipdashliri bilen körüshi xitayni nishan qilghan dep qaralmaqta Amérika shtab bashliqliri birleshmisining re'isi général mark milléy.
Social Media

29-Aprél, amérika shtab bashliqliri birleshmisining re'isi général mark milléy hawayda koréye we yaponiyelik kesipdashliri bilen körüshüp, amérikaning "Rayonning uzun muddetlik tinchliqi we muqimliqi" qoghdashta bergen wedisini qayta tekitligen. Gerche yighindin kéyin axbaratqa élan qilin'ghan yighin melumatida xitay biwasite tilgha élinmighan bolsimu, mezkur uchrishish amérikaning herbiy küchini ottura sherqtin xitaygha téximu keng kölemlik burashqa qarap qedem alghanliqini namayan qilidiken.

S n n ning xewer qilishiche, yighin melumatida "Qa'idilerni asas qilghan xelq'ara tertip" ning muhimliqi we amérikaning herbiy iqtidarning barliq imkanlirini ishqa sélip "Kéngeytilgen tehdit" bilen teminleshke teyyarliq qilish qatarliq atalghularning ishlitilgenliki buning xitayni nishan qilghan bir uchrishish ikenlikini téximu éniq körsitidiken.

Bu amérika, yaponiye we jenubiy koréye herbiy emeldarlirining korona wirusi taralghandin buyanqi tunji qétimliq biwasite uchrishishi bolup, uchrishishta yene shimaliy koréyening yadro we bashqurulidighan bomba pilanigha bolghan endishilermu tilgha élin'ghan.

S n n de körsitishiche, bu yuqiri derijilik herbiy emeldarlarning uchrishishi baydén hökümitining diqqitini yéqinqi 20 yildin buyan dawam qiliwatqan urushtin kelgüsidiki riqabetke merkezleshtüridighanliqini gewdilendüridiken.

Prézidént jow baydén charshenbe küni kechte amérika dölet mejliside qilghan tunji nutqida, xitayning "Adaletsiz soda usuli" gha taqabil turidighanliqi, hindi-tinch okyan rayonida küchlük herbiy mewjutluqni saqlap, "Toqunushni bashlash emes, belki toqunushning aldini élish" ni közleydighanliqini otturigha qoyghan.

Amérika dölet mudapi'e ministiri loyd awstin bu yil martning béshida "Xitay xizmet guruppisi" dep atilidighan bir guruppining teshkillen'genlikini jakarlighan hemde bu guruppining xitay amérika armiyesige shekillendüridighan xirisni téximu yaxshi chüshinip yétishni meqset qilidighanliqini bildürgen idi.

Prézidént baydén charshenbe küni yene afghanistandiki amérika eskerlirini chékindürüp chiqidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet