Америка хитайниң уйғур елидики дәпсәндичиликигә қарши "коллектип һәрикәт" қозғайдиғанлиқини билдүрди

Мухбиримиз мәмәтҗан җүмә
2021-03-07
Share
Америка хитайниң уйғур елидики дәпсәндичиликигә қарши Америка ташқи ишлар министирлиқиниң баянатчиси нед прайис.
Social Media

Америка һөкүмити 5-феврал баянат елан қилип, хитайниң уйғур елидики кишилик һоқуқ дәпсәндичиликигә қарши "коллектип һәрикәт" қозғайдиғанлиқини билдүрди вә униң хоңкоңниң сайлам системисини өзгәртиш һәрикитини әйиблиди.

Америка ташқи ишлар министирлиқиниң баянатчиси нед прайис җүмә күндики ахбарат елан қилиш йиғинида вашингтонниң иттипақдашлири вә шериклири билән һәмкарлишип хитайниң уйғур елидики аз санлиқ мусулманларға қаратқан зиянкәшликлири вә хоңкоңда елип барған бастурушни ортақ рәвиштә әйибләш үчүн һәрикәт қиливатқанлиқини билдүрди.

Нед прайис мундақ деди: "мениңчә һечким хәлқараниң шинҗаңда йүз бериватқан ишларға қайтурған инкасидин рази әмәс. Мана бу дәл бизниң шинҗаң вә башқа җайлардики кишилик бузғунчилиқиға йол қоюлмайдиғанлиқини ениқ билдүрүш үчүн нурғун тәрәпләрдә дуняни һәрикәткә кәлтүрүп, коллектип һәрикәт қозғайдиғанлиқимиздики сәвәб."

Байден һөкүмити сабиқ трамп һөкүмитиниң "уйғур ирқий қирғинчилиқ қарари" ни муәййәнләштүргән иди.

Хитай даирилири җүмә күни бейҗиңда ечиливатқан хитай хәлқ қурултийида хоңкоңниң шәһәр рәһбирини таллайдиған сайлам комитетиға өзгәртиш киргүзүп хоңкоңға болған контроллуқини күчәйткән.

Нед прайис бу һәқтә тохтилип, хитайниң "хоңкоңдики демократик органларға қаратқан үзлүксиз һуҗумлирини" әйибләйдиғанлиқини билдүрди вә "әгәр бу тәдбирләр йолға қоюлса, хоңкоңниң демократик түзүлмисигә зор дәриҗидә бузғунчилиқ қилиду" деди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт