Amérika xitayning Uyghur élidiki depsendichilikige qarshi "Kolléktip heriket" qozghaydighanliqini bildürdi

Muxbirimiz memetjan jüme
2021-03-07
Share
Amérika xitayning Uyghur élidiki depsendichilikige qarshi Amérika tashqi ishlar ministirliqining bayanatchisi néd prayis.
Social Media

Amérika hökümiti 5-féwral bayanat élan qilip, xitayning Uyghur élidiki kishilik hoquq depsendichilikige qarshi "Kolléktip heriket" qozghaydighanliqini bildürdi we uning xongkongning saylam sistémisini özgertish herikitini eyiblidi.

Amérika tashqi ishlar ministirliqining bayanatchisi néd prayis jüme kündiki axbarat élan qilish yighinida washin'gtonning ittipaqdashliri we shérikliri bilen hemkarliship xitayning Uyghur élidiki az sanliq musulmanlargha qaratqan ziyankeshlikliri we xongkongda élip barghan basturushni ortaq rewishte eyiblesh üchün heriket qiliwatqanliqini bildürdi.

Néd prayis mundaq dédi: "Méningche héchkim xelq'araning shinjangda yüz bériwatqan ishlargha qayturghan inkasidin razi emes. Mana bu del bizning shinjang we bashqa jaylardiki kishilik buzghunchiliqigha yol qoyulmaydighanliqini éniq bildürüsh üchün nurghun tereplerde dunyani heriketke keltürüp, kolléktip heriket qozghaydighanliqimizdiki seweb."

Baydén hökümiti sabiq tramp hökümitining "Uyghur irqiy qirghinchiliq qarari" ni mu'eyyenleshtürgen idi.

Xitay da'iriliri jüme küni béyjingda échiliwatqan xitay xelq qurultiyida xongkongning sheher rehbirini tallaydighan saylam komitétigha özgertish kirgüzüp xongkonggha bolghan kontrolluqini kücheytken.

Néd prayis bu heqte toxtilip, xitayning "Xongkongdiki démokratik organlargha qaratqan üzlüksiz hujumlirini" eyibleydighanliqini bildürdi we "Eger bu tedbirler yolgha qoyulsa, xongkongning démokratik tüzülmisige zor derijide buzghunchiliq qilidu" dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet