Париждики уйғур ана тил мәктипиниң оқуғучилири “дуня ана тил күни” ни ана тил паалийити арқилиқ күтүвалди

Ихтиярий мухбиримиз азиғ
2022-02-24
Share
Париждики уйғур ана тил мәктипиниң оқуғучилири “дуня ана тил күни” ни ана тил паалийити арқилиқ күтүвалди Явропа уйғур институти қармиқидики бир маарип қурулушидин бири болған париж уйғур ана тил мәктипи оқуғучилириниң паалийәтлиридин көрүнүш.
RFA/Azigh

Хитайниң уйғур елидики ирқий қирғинчилиқ сиясәтлири түпәйлидин уйғурларниң тили вә мәдәнийити еғир тәһдиткә дуч кәлмәктә. Муһаҗирәттики уйғурлар ана пәрзәнтлиригә қарита тил тәрбийәсини күчәйтиш, ана тил мәктипи ечиш вә һәр хил мәдәний, иҗтимаий хизмәтләр арқилиқ уйғур тилиниң мәвҗутлуқини сақлаш үчүн тиришчанлиқ көрситип кәлмәктә.

Париж уйғур ана тил мәктипи явропа уйғур институти қармиқидики бир маарип қурулуши болуп, 2017-йили қурулған. Париж ана тил мәктипи франсийидики уйғур пәрзәнтлиригә ана тил маарипи беришни асаслиқ нишан қилған болуп, франсийә шәрқшунаслиқ университети уйғур оқуғучиларниң ана тилида тәрбийәлиниши үчүн керәклик болған синип вә әслиһәләр билән тәминлигән.

явропа уйғур институти қармиқидики бир маарип қурулушидин бири болған париж уйғур ана тил мәктипи оқуғучилириниң паалийәтлиридин көрүнүш.

Париж уйғур ана тил мәктипиниң оқуғучилири бу йиллиқ “дуня ана тил күни” ни алаһидә тәбриклигән болуп, уйғур өсмүрлиригә уйғур тили, уйғур мәдәнийитини өгинишниң муһимлиқи тонуштурулған. Тәбрикләш паалийитидә уйғур яш-өсмүрлирини ана тилини өгинишкә риғбәтләндүрүлгән.

Париж уйғур ана тил мәктипиниң мудири мәһмут әһмәд зияритимизни қубул қилип, уйғур ана тил мәктипи вә франсийидики уйғур тили маарипи һәққидә тохталди. У зияритимиз давамида франсийәдики уйғур пәрзәнтлириниң ана тилини өгиниш қизғинлиқи вә ана тил маарипини игиләш әһвали тоғрисида тәпсилий мәлумат бәрди.

явропа уйғур институти қармиқидики бир маарип қурулушидин бири болған париж уйғур ана тил мәктипи оқуғучилириниң паалийәтлиридин көрүнүш.

Нөвәттә париж уйғур ана тил мәктипидә пәрқлиқ яш вә тил сәвийәсидики балилар үчүн үч синип тәсис қилинған болуп, бу мәктәптә ана тил дәрслиридин башқа йәнә уссул, музика вә уйғур мәдәнийити дәрслириму өтүлмәктә икән. Мутәхәссисләр, муһаҗирәттики уйғур пәрзәнитлиридә миллий кимликни турғузуш вә уни давамлаштурушта ана тил вә униңға бағлиқ миллий мәдәнийәт амиллириниң итайин муһимлиқини, шу сәвәбтин охшимиған дөләтләрдә яшаватқан уйғур җамаитиниң өз пәрзәнтлиригә уйғур ана тилини пухта өгитишиниң зөрүрликини тәкитләп кәлмәктә.

явропа уйғур институти қармиқидики бир маарип қурулушидин бири болған париж уйғур ана тил мәктипи оқуғучилириниң паалийәтлиридин көрүнүш.

Париж уйғур ана тил мәктипиниң оқуғучиси гүлзина қурбанҗан зияритимизни қубул қилип, өзиниң ана тил мәктипидә оқуш җәрянидики һес-туйғулирини уйғур тилида сөзләп өтти.

Гүлзина қурбанҗанниң аниси һәбибә ханимму зияритимизни қубул қилип, балиларни тәрбийәләштә ана тил маарипиниң интайин муһим икәнликини, уйғур тилиниң мәвҗутлуқини қоғдаш үчүн өзиниң бир уйғур ана болуш сүпити билән бир кишилик һәссисини қошушқа тиришиватқанлиқини ейтти.

Явропа уйғур институти нөвәттә явропада уйғур тили вә мәдәнийитини қоғдаш сепидә хизмәт қиливатқан авангарт қурулушлардин бири болуп, уйғуршунаслиқ тоғрилиқ һәр хил темидики йиғинларни уюштуруш, уйғурлар һәққидә журнал чиқириш, шундақла һәр хил мәдәнийәт паалийәтлири өткүзүш арқилиқ уйғурларниң нөвәттики вәзийитини явропаға аңлитишта муһим рол ойнимақта.

явропа уйғур институти қармиқидики бир маарип қурулушидин бири болған париж уйғур ана тил мәктипи оқуғучилириниң паалийәтлиридин көрүнүш.

Явропа уйғур институтиниң мәсули доктор дилнур рәйһан ханимму зияритимизни қубул қилип, явропа уйғур институтиниң уйғур ана тил һәққидики паалийәтлири, хизмәтлири вә кәлгүси пиланлири һәққидә тәпсилий тохталди.

Хитайниң уйғур тили вә мәдәнийитини йоқитиш урунушлирини күндин-күнгә күчийиватқан болсиму, әмма муһаҗирәттики уйғурларниң ана тилини вә миллий мәдәнийитини пухта игиләш вә қоғдашқа болған қизғинлиқ барғансери күчәймәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт