Әнқәрәдики уйғурлар өз ана тилини қәдирлимәктә

Ихтиярий мухбиримиз әркин тарим
2022-03-07
Share
Әнқәрәдики уйғурлар өз ана тилини қәдирлимәктә Әнқәрә шәһиридики азғина уйғурлар уйғур ана тилини қәдирләш вә пәрзәнтлиригә өгитишни мәқсәт қилип ачқан уйғур ана тил курси. 2022-Йили 7-март, түркийә.
RFA/Erkin Tarim

Түркийәдә уйғурлар бир қәдәр көп тарқалған болсиму, лекин уларниң әнқәрәдики сани анчә көп әмәс. Түркийәниң пайтәхти әнқәрәдә 300 дин артуқ уйғур яшайду. Бу уйғурларниң көпи дөләт идарилиридә хизмәт қилмақта. Түркийәдики уйғурларниң зор көпчилики истанбул, қәйсәри, коня вә башқа бир қисим шәһәрләргә тарқалған болуп, мәзкур 3 шәһәрдә уйғурлар көпрәк җайлашқан.

Әнқәрә шәһиридики азғина уйғурлар 2018-йили мәзкур шәһәрниң тарихида тунҗи қетим 5 балини йиғип, уйғур ана тилини қәдирләш вә пәрзәнтлиригә өгитишни мәқсәт қилип, уйғур ана тил курси ачқаниди. Мәзкур курс COVID-19 вируси түпәйли узун өтмәй етилип қалғаниди. Ата-аниларниң тәлипи билән мәзкур курс 5-март күни қайта башланди. Мәзкур курсқа башламчилиқ қиливатқан уйғур зиялийси рәна қарахан ханимниң ейтишичә, бу қетим курсқа 35т ин артуқ уйғур бала тизимға алдурған.

Бу тоғрилиқ зияритимизни қобул қилған уйғур зиялийси рәна қарахан ханимниң билдүрүшичә, әнқәрәдики ана тил курсиға қатнишиватқан 35 уйғур балиниң йешиға қарап 4 синипқа айриған болуп, һазирчә 4 оқутқучи дәрс бериветипту. У, бу һәқтә тохталди.

Билдүрүлүшичә әнқәрәдә уйғурларниң сани аз болсиму ата-аниларниң балилириға уйғурчә өгитиш вә пәрзәнтлириниң уйғурчә өгиниш қизғинлиқи бәкла юқири икән. Мәзкур курста оқутқучилиқ қиливатқан мәхбубә ханим бу һәқтә мәлумат бәрди.

Рәна қарахан ханим әнқәрәдики пидакар аниларниң бу курсини ечишдики мәқситиниң уйғур балиларға ана тилни өгитишла әмәс, миллий кимликини унтулдурмаслиқ, ана тилини қәдирләйдиған әвлад йетиштүрүш икәнликини тәкитлиди.

Уйғурларниң сани әнқәрәдикигә қариғанда, истанбулда хелила көп икәнлики мәлум. Истанбул вә қәйсәридики уйғурлар хели бурундин тартипла бу хил курсларни ечип кәлмәктә. Истанбулда мәлум санда кариханичи, тиҗарәтчи, дохтур, сиясий вә сәнәт әрбаблири бар.

1950-Йиллардин кейин түркийәгә келип йәрлишип қалған биринчи әвлад уйғурлар ахирлашқан болуп, һазир 2- вә 3-әвлад уйғурлар өз паалийәтлирини давамлаштурмақта. Илгирики кәлгәнләрниң әвладлири уйғур тили асасән унтуп кәткән, 2009-йилидин кейин арқиму-арқидин түркийәгә кәлгән уйғурлар билән уларниң сани ашқан. Нөвәттә, әнә шуларниң пәрзәнтлиригә ана тилини өгитиш, пәрзәнтләрни ана тилида мукәммәл оқуйдиған вә язидиған қилиш муһим мәсилә болмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт