Истанбул вә конядики уйғур җамаити “дуня ана тили күни” ни тәбрикләш паалийити өткүзди

Ихтиярий мухбиримиз арслан
2022-02-23
Share
Истанбул вә конядики уйғур җамаити “дуня ана тили күни” ни тәбрикләш паалийити өткүзди Сутуқ буғрахан илим вә мәдәнийәт вәхпи коня шөбисиниң уюштуруши билән “елипбәни түгәттим” дегән темида өткүзүлгән “дуня ана тил күни” ни тәбрикләш паалийитидин көрүнүш. 2022-Йили 21-феврал, түркийә.
RFA/Arslan

“дуня ана тил күни” мунасивити билән 21-феврал дүшәнбә күни истанбулдики “таңнури” тәлим-тәрбийә мәркизи уйғур ана тили тоғрисида мәхсус паалийәт уюштурди. Мәзкур паалийәттә ата-аниларниң өз пәрзәнтлиригә уйғур тили вә мәдәнийитини өгитиши, шундақла миллий кимликини давамлиқ сақлиши үчүн тиришчанлиқ көрситиши тәшәббус қилинди.

Бу паалийәткә истанбулда яшаватқан уйғурлардин әр-аял вә өсмүрләр болуп, 300 әтрапида киши қатнашти. Паалийәт алди билән “қуран кәрим” тилавити, андин шәрқий түркистан вә түркийәниң “истиқлал марш” лирини оқуш билән башланди.

“дуня ана тил күни” мунасивити билән истанбулдики “таңнури” тәлим-тәрбийә мәркизи уйғур ана тили тоғрисида уюштурған мәхсус паалийәттин көрүнүш. 2022-Йили 21-феврал, түркийә.
“дуня ана тил күни” мунасивити билән истанбулдики “таңнури” тәлим-тәрбийә мәркизи уйғур ана тили тоғрисида уюштурған мәхсус паалийәттин көрүнүш. 2022-Йили 21-феврал, түркийә.

Паалийәттә шәрқий түркистан “нузугум” һәмкарлиқ җәмийитиниң рәиси мунәввәр өзуйғур, “таңнури” тәлим-тәрбийә мәркизиниң мәсуллиридин шәмшинур ханим қатарлиқлар сөз қилди. Улар сөзидә “дуня ана тили күни” ни тәбрикләш билән биргә, муһаҗирәттики уйғур ата-аниларниң пәрзәнтлиригә ана тил тәрбийәсини күчәйтишиниң зөзрүрликини, чәт әлләрдә чоң болуватқан кейинки әвлад уйғур балилириниң миллий кимликини сақлап қелиши вә давамлаштуруши үчүн тиришчанлиқ көрситишиниң муһимлиқини тәкитләп өтти.

Мунәввәр өзуйғур ханим, муһаҗирәттики уйғур ата-аниларниң пәрзәнтлирини уйғур ана тил мәктәплиригә әвәтишни хитайға қарши елип берилған бир җәң дәп қарайдиғанлиқини билдүрди. У һазирқи вақитта пәрзәнтләргә ана тилни пухта өгитиш, кәлгүсидә қурулмақчи болған мустәқил бир дөләтниң тил-йезиқи, миллий кимлики вә иҗтимаий асасини қуруп чиқишниң башланғуч қәдимидур, деди.

21-Феврал дүшәнбә күни йәнә сутуқ буғрахан илим вә мәдәнийәт вәхпи коня шөбисиниң уюштуруши билән “елипбәни түгәттим” дегән темида “дуня ана тил күни” ни тәбрикләш паалийити өткүзүлди.

Сутуқ буғрахан илим вә мәдәнийәт вәхпи коня шөбисиниң уюштуруши билән “елипбәни түгәттим” дегән темида өткүзүлгән “дуня ана тил күни” ни тәбрикләш паалийитидин көрүнүш. 2022-Йили 21-феврал, түркийә.
Сутуқ буғрахан илим вә мәдәнийәт вәхпи коня шөбисиниң уюштуруши билән “елипбәни түгәттим” дегән темида өткүзүлгән “дуня ана тил күни” ни тәбрикләш паалийитидин көрүнүш. 2022-Йили 21-феврал, түркийә.
RFA/Arslan

Бу паалийиттә коня шәрқий түркистан яш-өсмүрләр мәркизиниң мәсули, сәлчуқ университети тарих пәнлириниң докторанти абдуреһим дөләт, сутуқ буғрахан илим вә мәдәнийәт вәқфи коня шөбисиниң рәиси абдуләһәд удун қатарлиқлар ечилиш сөзи сөзлиди.

Доктурант абдуреһим дөләт уйғур тили тоғрисида тохталди. У сөзидә уйғур тилиниң шәрқий түркистанда хитай даирилири тәрипидин чәклинип, йоқилиш хәвпигә дүч келиватқанлиқини билдүрди. У йәнә чәт әлләрдики уйғурларниң ана тилини сақлап қелиш вә пәрзәнтлиригә өгитишкә әһмийәт беришниң улуғ вә бүйүк хизмәт икәнликини тәкитлди.

Паалийәттә уйғур яш-өсмүрләр гуруппа һаләттә сәһнигә чиқип шеир декламатсийә қилиш, самаға чүшүш дегәндәк һәр хил нумурлар көрсәтти. Улар йәнә мәрһум язғучи, шаир абдуреһим өткүрниң “из” намлиқ шеирини коллектип һалда җараңлиқ декламатсийә қилди.

21-Феврал күни йәнә уйғур ана тил тор мәктипиниң орунлаштуруши билән “дуня ана тил күни” ни тәбрикләш паалийәт елип барди. Паалийәттә өсмүрләр ана тил тоғрисида һәр хил шеирларни декламатсийә қилди вә қисқа син көрүнүшлирини тарқатти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт