Istanbul we konyadiki Uyghur jama'iti “Dunya ana tili küni” ni tebriklesh pa'aliyiti ötküzdi

Ixtiyariy muxbirimiz arslan
2022.02.23
Share on WhatsApp
Share on WhatsApp
Istanbul we konyadiki Uyghur jama'iti “Dunya ana tili küni” ni tebriklesh pa'aliyiti ötküzdi Sutuq bughraxan ilim we medeniyet wexpi konya shöbisining uyushturushi bilen “Élipbeni tügettim” dégen témida ötküzülgen “Dunya ana til küni” ni tebriklesh pa'aliyitidin körünüsh. 2022-Yili 21-féwral, türkiye.
RFA/Arslan

“Dunya ana til küni” munasiwiti bilen 21-féwral düshenbe küni istanbuldiki “Tangnuri” telim-terbiye merkizi Uyghur ana tili toghrisida mexsus pa'aliyet uyushturdi. Mezkur pa'aliyette ata-anilarning öz perzentlirige Uyghur tili we medeniyitini ögitishi, shundaqla milliy kimlikini dawamliq saqlishi üchün tirishchanliq körsitishi teshebbus qilindi.

Bu pa'aliyetke istanbulda yashawatqan Uyghurlardin er-ayal we ösmürler bolup, 300 etrapida kishi qatnashti. Pa'aliyet aldi bilen “Qur'an kerim” tilawiti, andin sherqiy türkistan we türkiyening “Istiqlal marsh” lirini oqush bilen bashlandi.

“Dunya ana til küni” munasiwiti bilen istanbuldiki “Tangnuri” telim-terbiye merkizi Uyghur ana tili toghrisida uyushturghan mexsus pa'aliyettin körünüsh. 2022-Yili 21-féwral, türkiye.
“Dunya ana til küni” munasiwiti bilen istanbuldiki “Tangnuri” telim-terbiye merkizi Uyghur ana tili toghrisida uyushturghan mexsus pa'aliyettin körünüsh. 2022-Yili 21-féwral, türkiye.

Pa'aliyette sherqiy türkistan “Nuzugum” hemkarliq jem'iyitining re'isi munewwer özUyghur, “Tangnuri” telim-terbiye merkizining mes'ulliridin shemshinur xanim qatarliqlar söz qildi. Ular sözide “Dunya ana tili küni” ni tebriklesh bilen birge, muhajirettiki Uyghur ata-anilarning perzentlirige ana til terbiyesini kücheytishining zözrürlikini, chet ellerde chong boluwatqan kéyinki ewlad Uyghur balilirining milliy kimlikini saqlap qélishi we dawamlashturushi üchün tirishchanliq körsitishining muhimliqini tekitlep ötti.

Munewwer özUyghur xanim, muhajirettiki Uyghur ata-anilarning perzentlirini Uyghur ana til mekteplirige ewetishni xitaygha qarshi élip bérilghan bir jeng dep qaraydighanliqini bildürdi. U hazirqi waqitta perzentlerge ana tilni puxta ögitish, kelgüside qurulmaqchi bolghan musteqil bir döletning til-yéziqi, milliy kimliki we ijtima'iy asasini qurup chiqishning bashlan'ghuch qedimidur, dédi.

21-Féwral düshenbe küni yene sutuq bughraxan ilim we medeniyet wexpi konya shöbisining uyushturushi bilen “Élipbeni tügettim” dégen témida “Dunya ana til küni” ni tebriklesh pa'aliyiti ötküzüldi.

Sutuq bughraxan ilim we medeniyet wexpi konya shöbisining uyushturushi bilen “Élipbeni tügettim” dégen témida ötküzülgen “Dunya ana til küni” ni tebriklesh pa'aliyitidin körünüsh. 2022-Yili 21-féwral, türkiye.
Sutuq bughraxan ilim we medeniyet wexpi konya shöbisining uyushturushi bilen “Élipbeni tügettim” dégen témida ötküzülgen “Dunya ana til küni” ni tebriklesh pa'aliyitidin körünüsh. 2022-Yili 21-féwral, türkiye.
RFA/Arslan

Bu pa'aliyitte konya sherqiy türkistan yash-ösmürler merkizining mes'uli, selchuq uniwérsitéti tarix penlirining doktoranti abduréhim dölet, sutuq bughraxan ilim we medeniyet weqfi konya shöbisining re'isi abdul'ehed udun qatarliqlar échilish sözi sözlidi.

Dokturant abduréhim dölet Uyghur tili toghrisida toxtaldi. U sözide Uyghur tilining sherqiy türkistanda xitay da'iriliri teripidin cheklinip, yoqilish xewpige düch kéliwatqanliqini bildürdi. U yene chet ellerdiki Uyghurlarning ana tilini saqlap qélish we perzentlirige ögitishke ehmiyet bérishning ulugh we büyük xizmet ikenlikini tekitldi.

Pa'aliyette Uyghur yash-ösmürler guruppa halette sehnige chiqip shé'ir déklamatsiye qilish, samagha chüshüsh dégendek her xil numurlar körsetti. Ular yene merhum yazghuchi, sha'ir abduréhim ötkürning “Iz” namliq shé'irini kolléktip halda jarangliq déklamatsiye qildi.

21-Féwral küni yene Uyghur ana til tor mektipining orunlashturushi bilen “Dunya ana til küni” ni tebriklesh pa'aliyet élip bardi. Pa'aliyette ösmürler ana til toghrisida her xil shé'irlarni déklamatsiye qildi we qisqa sin körünüshlirini tarqatti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet