Aqsarayning dölet xewpsizlik meslihetchisi: amérika xitaygha émbargo qoyushi mumkin

Muxbirimiz jüm
2020-05-24
Élxet
Pikir
Share
Print
Aqsarayning dölet xewpsizlik meslihetchisi robért obrayén ependi.
Aqsarayning dölet xewpsizlik meslihetchisi robért obrayén ependi.
Social Media

Aqsarayning dölet xewpsizlik meslihetchisi robért obrayén eger béyjing xongkongda xewpsizlik qanunini ijra qilsa, amérikining émbargosigha uchrishi mumkinlikini bildürdi.

U, bu sözlerni n b s téléwiziyesining ziyaritini qobul qilghanda otturigha qoydi. Uning bu sözliri xitay xongkonggha alaqidar dölet xewpsizlik qanuni maqullashqa tutun'ghan mezgilge toghra keldi.

Obrayén bu qanun layihesining xongkongni pütünley ötküzüwélishtin dérek béridighanliqini éytti.

U yene xongkongning xelq'ara orni heqqide toxtilip, eger xitay xongkongni pütünley ötküzüwalsa xongkongning xelq'araliq pul-mu'amile merkizi bolush salahiyitini saqlap qélishi gumanliq ikenlikni bildürdi.

U, xongkongning qanun bilen idare qilinidighanliqi, xongkongda erkin bazarning kapaletke ige qilin'ghanliqi, shu seweblik nurghun pul-mu'amile sahesining xongkongni makan tutqanliqini éytti. 

U mundaq dédi: "Eger bularning hemmisi yoqalsa, pul-mu'amile sahesining yene xongkongda turalaydighan turalmaydighanliqigha birnerse déyelmeymen. Eger xongkong xitay xelq jumhuriyiti we kommunistik partiye teripidin bashqurulidighan bolsa ular u yerde turmaydu." 
Xitayning xongkonggha munasiwetlik dölet xewpsizlik qanuni bu nöwetlik "Ikki qurultay" mezgilide tonushturulghan we bu qanunning maqulluqtin ötidighanliqi mölcherlen'gen.

Bu qanun maqullinip xongkongda ijra qilinsa, xongkongluqlar yillardin buyan behrilinip kelgen, pikir, yighilish we axbarat erkinliki qatarliq négizlik erkinliklerning pütünley cheklinidighanliqi, mushuninggha alaqidar bezi heriketlerning jinayet shekillendurdighanliqi ilgiri sürülgen. 

Bu heqte toxtalghan robért obrayén, eger bu qanun ijra qilinsa xongkongning aliy aptonomiyesini saqlap qalalmaydighanliqini, netijide amérikining ötken yili maqullighan "Xongkong démokratiye qanuni" ni ishqa sélip xitaygha émbargo yürgüzidighanliqini éytti.

Toluq bet