Atush süntaghdiki tökül meschit oburnigha aylandurulghan

Muxbirimiz shöhret hoshur
2020-08-12
Share
Qaghiliq-nahiye-meschit-qizil-teshwiqat-lozunkisi.jpg Qaghiliq nahiye baziridiki meschitke ésilghan qizil teshwiqat lozunkisi, 2017-yili iyul.
Oqurmen teminligen

Xitay da'iriliri diniy étiqadqa qarshi jeng élan qilghan yéqinqi üch yilda, Uyghur rayonidiki meschitlerning köpinchisini chéqish we yoq qilish bilen qana'et qilmastin؛ uning ornigha étiqad ehlining üstilep ghururigha tégidighan ishlarni qilghan yaki mulazimet orunlirini tesis qilghan. Atushning süntagh yézisidiki tökül meschit töwen'ge chüshken kadirlarning éhtiyaji üchünla oburniygha özgertilgen؛ chéqilghan azna meschiti ornigha haraq-tamakimu sétilidighan talla baziri berpa qilin'ghan.

Xitay da'iriliri lagérlar heqqide xelq'ara jama'etning aldida özini aqlighanda, bolupmu islam dunyasigha chüshenche bergende, özlirining islam dinigha qarshi emesliki, peqet térrorluqqa we diniy esebiylikke qarshi ikenlikini otturigha qoyup kelgenidi. Emma ashkariliniwatqan minglarche pakit, xitayning diniy étiqad we étiqad ehlige qarshi xorlash we depsende qilish xaraktéride hujum élip bériwatqanliqini delillimekte. Atushqa qarita élip barghan téléfon ziyaretlirimiz dawamida, atushtiki bir on a'ile bashliqi, süntaghdiki tökül meschitining oburniygha aylandurulghanliqini ashkarilidi. Melum bolushiche, atush sheher ichidin 3 kilométirche uzaqliqtiki bu meschitning oburniygha aylandurush qurulushi, buningdin ikki yil burun melum bir xitay qurulush shirkiti teripidin élip bérilghan. Alaqidar xadimning ashkarilishiche, süntaghning tökül mehelliside hemme a'ililikler qorusida oburni bolghanliqi üchün ammiwi bir hajetxanigha éhtiyajliq kishiler yoq iken ؛ uning üstige bu mehelle, sheherdin 3 kilométir uzaqliqta bolup, bu mehellige sayahetchilerningmu kélish nisbiti nöwet iken. Eslide bu mehellide ammiwi bir hajetxanigha qarita ré'al bir éhtiyajning yoqluqini étirap qilghan bu xadim؛ bu meschitning ornigha néme üchün hajetxana sélin'ghanliqini özimu bilmeydighanliqini bayan qilish bilen birlikte, buning peqet xizmet munasiwiti bilen töwen'ge chüshken kadirlarning éhtiyaji üchünla sélin'ghanliq éhtimalliqini ilgiri sürdi. Déyilishiche tökül meschitning ornigha sélin'ghan bu oburniy qurulushi tamamlan'ghan bolsimu, téxi resmiy mulazimet bashlimighan.

Yene süntaghda chéqiwétilgen azna meschitining ornigha haraq-tamakimu sétilidighan bir talla baziri sélin'ghan.

Ilgiriki éniqlashlirimizda xotenning lop nahiyesidiki bir meschitning kent köngül échish sorunigha aylandurulghanliqi ashkarilan'ghan؛ xoten shehiri ilchi yézisidiki bir meschitning bolsa, sichüendiki bir ich kiyim fabrikisining shöbisige aylandurulghanliqi delillen'genidi.

Ilgiri bu témida ziyaritimizni qobul qilghan doktor qahar barat ependi, xitayning meschitlerni chéqish bilenla qana'et qilmay, uning ornigha milliy örp-adet we dinda qattiq cheklinidighan ish we mulazimet orunlirini tesis qilish arqiliq, étiqad ehlining rohini sundurushqa urunuwatqanliqini otturigha qoyghanidi. Közetküchi memet toxti ependi bolsa xitayning meschit chéqishni islam dinigha we Uyghurlargha qarita bir öchmenlik we intiqam tuyghusi bilen bilen élip bériwatqanliqini otturigha qoyghan we buning yalghuz Uyghurlarghila emes, islam dunyasigha qarita bir jeng élan qilish ikenlikini tekitligen.

Yuqirida atush süntaghdiki tökül meschitning hajetxanigha aylandurulghanliqi heqqide melumat berduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.