Awstraliyening mélborn shehiride muqam kéchiliki ötküzüldi

Ixtiyariy muxbirimiz uchqun
2019-11-06
Élxet
Pikir
Share
Print
Awstraliyede qurulghan "Uyghur muqam ansambili" ning sen'etkarliri awstraliyening mélborn shehiride ötküzgen muqam kéchilikide sen'etchiler tamashibinlargha salam bermekte. 2019-Yili 2-noyabir.
Awstraliyede qurulghan "Uyghur muqam ansambili" ning sen'etkarliri awstraliyening mélborn shehiride ötküzgen muqam kéchilikide sen'etchiler tamashibinlargha salam bermekte. 2019-Yili 2-noyabir.
RFA/Uchqun

11-Ayning 2-küni, awstraliyede qurulghan "Uyghur muqam ansambili" ning sen'etkarliri awstraliyening mélborn shehiride muqam kéchiliki ötküzdi.

Mezkur kéchilik mélborndiki koling wud rayonining zalida ötküzülgen. Igilinishiche mezkur kéchilikke her millet kishiliridin bolup 300 din artuq kishi qatnashqan. Mélborndiki "Wiktoriye Uyghur jem'iyiti" ning re'isi alimjan ependi bu toghrisida melumat bérip mundaq dédi: 11-ayning 2-küni awstraliye Uyghur muqam ansambilining muqam sen'et kéchiliki wiktoriye Uyghur tili mektipining yardimide utuqluq ötküzüldi. Bu kéchilikke 300 din köp tamashibin qatnashti.

Alimjan ependi yene Uyghur medeniyitining insaniyet medeniyitining bir qismi ikenliki, eger dunyadiki démokratik döletler dawamliq süküt qilip turuwerse mushundaq bir shanliq medeniyetning yoqilidighanliqi heqqidimu toxtilip mundaq dédi: "Sherqiy türkistan xelqi üsti ochuq türmilerde azab-oqubette yashawatqan mushundaq shara'itta bu pa'aliyitimizning ötküzülüshi awstraliyediki Uyghurlargha rohiy ozuq ata qildi. Bu pa'aliyitimiz arqiliq Uyghur medeniyitining insaniyet medeniyitining muhim bir qismi ikenlikini tonuttuq. Shuning bilen birge awstraliyege we dunyagha xitayning Uyghur medeniyitini yoqitish siyasitini ijra qiliwatqanliqini, eger bundaq irqiy qirghinchiliq we medeniyet qirghinchiliqi dawam qiliwerse Uyghur medeniyitining yoqilip kétidighanliqini xitab qilduq".

Mezkur pa'aliyetke köp sandiki awstraliyeliklermu qatnashqan bolup, pa'aliyetke qatnashqan wiktoriye xanim mundaq dédi: "Muzika bek güzel idi, pa'aliyitinglar heqiqeten güzel idi. Epsus mushundaq güzel bir medeniyet xitay diktatorlirining yoqitishigha uchrawatidu. Dunyaning Uyghurlarning béshigha kelgen bu zulmetlerge awazsiz qélishidin nepretlinimen. Siler muqeddes bir medeniyetning warisliri, ishininglarki siler choqum ghelibe qilisiler. Hemminglarni, pütkül Uyghurlarni söyimen".

Pa'aliyetke qatnashquchilardin mayik ependi mundaq dédi: "Muqam yalghuz Uyghurlar üchünla muhim bolup qalmastin belki dunya üchünmu nahayiti muhim. U insaniyetning meniwi mirasidur. Biz bu kéche séhirlik muzika we nepis usuldin qan'ghuche huzurlanduq. Uyghurlar we bashqa milletler hemmimiz birlikte Uyghur medeniyitidin zoqlanduq. Shöhret tursun we kesipdashlirigha apirin éytimen, shundaqla uning bundin kéyinki sen'et hayatigha muweppeqiyet tileymen we bundaq pa'aliyetlerning dawamliq bolup turushini ümid qilimen".

Pa'aliyet qatnashquchiliridin sitiwén ependi özining muqamni bilmeydighanliqini, bügün mushu pursette tonushqanliqini bayan qilip mundaq dédi: "Men muqamni anglap baqmighan ikenmen. Bügün axsham muqamning shahane ikenlikige shahit boldum, naxsha we usullarmu ajayip heyran qalarliq iken".

Awstraliyening sidnéy shehiride yashawatqan sen'etkar shöhret tursun ependi bu yil 7-ayda Uyghur muqam ansambilini qurghandin buyan awstraliyening ichi we sirtida oyun qoyup Uyghur sen'itini tonushturmaqtiken.

Toluq bet