Roshen abbas: “Bizning meqsitimiz awstraliyege Uyghur qirghinchiliqini étirap qildurush”

Ixtiyariy muxbirimiz erkin tarim
2023.05.03
roshen-abbas-awstraliye-1.jpg

Awstraliye adélaydtiki tengritagh Uyghur xanim-qizlar uyushmisi we Uyghur herikiti teshkilati mes'ulliri türkiyening sidnéydiki konsuli aliy séwim ependi bilen körüshti. 2023-Yili 28-aprél, awstraliye. RFA/Erkin Tarim

roshen-abbas-awstraliye-2.jpg

Awstraliye adélaydtiki tengritagh Uyghur xanim-qizlar uyushmisi we Uyghur herikiti teshkilati mes'ulliri kambéradiki awstraliye parlamént ezasi libéral partiyesining re'isi dawid spe'irs (David Speirs) ependi bilen körüshti. 2023-Yili 27-aprél, awstraliye. RFA/Erkin Tarim

roshen-abbas-awstraliye-3.jpg

Awstraliye adélaydtiki tengritagh Uyghur xanim-qizlar uyushmisi we Uyghur herikiti teshkilati mes'ulliri kambéradiki awstraliye parlamént ezasi parlamént ezasi jing li ependi bilen körüshti. 2023-Yili 27-aprél, awstraliye. RFA/Erkin Tarim

roshen-abbas-awstraliye-4.jpg

Uyghur herikiti teshkilati hey'iti barghanla sheherlerde “Hedemni izdeymen namliq” höjjetlik filimni körsitish we Uyghurlarning nöwettiki éghir weziyiti toghrisida doklat bérish yighini ötküzdi. 2023-Yil aprél, awstraliye. RFA/Erkin Tarim

roshen-abbas-awstraliye-5.jpg

Roshen abbas xanim bilen teywen parlaménti kishilik hoquq komitétining bash katipi örkesh dölet awstraliyening adélayd shehiride ikki künlük “Uyghur xanim-qizlirini terbiyilesh kursi” achqan. 2023-Yil aprél, awstraliye. RFA/Erkin Tarim

roshen-abbas-awstraliye-6.jpg

Roshen abbas xanim bilen teywen parlaménti kishilik hoquq komitétining bash katipi örkesh dölet awstraliyening adélayd shehiride ikki künlük “Uyghur xanim-qizlirini terbiyilesh kursi” achqan. 2023-Yil aprél, awstraliye. RFA/Erkin Tarim

Awstraliye adélaydtiki tengritagh Uyghur xanim-qizlar uyushmisi we Uyghur herikiti teshkilati mes'ulliridin bolup 6 kishidin terkib tapqan bir hey'et 4-ayning 26-künidin 3-may künigiche awstraliyening paytexti kambéra, mélborun sidnéy we adélayd qatarliq Uyghurlar bir qeder zich olturaqlashqan sheherliride Uyghurlar bilen keng-kölemde uchrishish we terbiyelesh kursi ötküzüsh bilen birlikte, parlamént ezaliri, hökümet xadimliri we bezi döletlerning awstraliyede turushluq elchisi hem konsulliri bilenmu uchrishish élip barghan.  Mezkur hey'et 4-ayning 27-küni kambéradiki awstraliye parlamént ezasi libéral partiyesining re'isi dawid spe'irs  (David Speirs), parlamént ezasi jing li qatarliq kishiler bilen uchriship 4 betlik telep xétini sun'ghan.

Roshen abbas xanim bu pa'aliyetlerning muhim nuqtisining awstraliyediki Uyghur teshkilatlirini heriketke ötküzüp, awstraliye hökümitidin Uyghur qirghinchiliqini étirap qilishni telep qilish ikenlikini tekitlidi.

Uyghur herikiti teshkilatining mudiri roshen abbas xanim bu heqtiki so'alimizgha jawab bérip mundaq dédi: “Bizning awstraliyede bir yürüsh pa'aliyetlerni ötküzüshtiki meqsitimiz bolsa awstraliye hökümitidin Uyghur irqiy qirghinchiliqini étirap qilishni telep qilish we sherqiy türkistandiki irqiy qirghinchiliqni toxtitish üchün xitaygha bésim ishlitishini telep qilish idi. Biz buni emelge ashurush üchün awstraliye parlamént ezaliri bilen, diniy teshkilatlar we ammiwi teshkilatlarning rehberliri bilen uchrishishlarni élip barduq”.

Roshen abbas xanim bilen teywen parlaménti kishilik hoquq komitétining bash katipi, 1989-yilidiki tyen'enmén oqughuchilar herikitining rehbiri örkesh dölet, 29-aprél künidin 30-künigiche awstraliyening adélayd shehiride Uyghur xanim-qizlirini terbiyelesh kursi achqan. Kursqa adélaydta yashawatqan Uyghur xanim -qizliri ishtirak qilghan. Kursta firansiyediki yawropa Uyghur institutining mudiri dilnur reyhan, örkesh dölet, Uyghur herikiti teshkilati xadimliridin sabrina soha'il xanim qatarliqlar léksiye bergen. Bu heqte Uyghur herikiti teshkilati mutexessisliridin arslan hidayet ependi bizge qisqiche melumat berdi.

 Roshen abbas xanim, sidnéydiki Uyghur jem'iyiti re'isi muhemmed obul we dunya Uyghur qurultiyi muhajirlar komitéti mu'awin re'isi mehmet chelepchi ependilerdin terkib tapqan hey'et 28-aprélda türkiyening sidnéydiki konsuli aliy séwim ependi bilen körüshüp, türkiyedin kütken bezi teleplirini yetküzgen. Mehmet chelepchi ependi téléfon ziyaritimizni qobul qilip, bu heqte melumat berdi.

Bu pa'aliyetlerge sahibxanliq qilghan awstraliye tengritagh Uyghur xanim-qizlar uyushmisining re'isi ramile chanishéf xanimning éytishiche birleshken döletler teshkilati kishilik hoquq aliy komissari ishxanisi ötken yili 8-ayning 30-küni Uyghurlar heqqidiki doklatini élan qilghandin kéyin, awstraliye parlaméntimu Uyghurlar mesilisige alahide köngül bölüshke bashlighan. Bundin kéyin awstraliye parlaméntiningmu Uyghur qirghinchiliqi toghrisida qarar layihesini maqulluqtin ötküzüsh éhtimalliqi bar iken.

 Bulardin sirt Uyghur herikiti teshkilati hey'iti barghanla sheherlerde “Hedemni izdeymen namliq” höjjetlik filimni körsitish we Uyghurlarning nöwettiki éghir weziyiti toghrisida doklat bérish yighinimu ötküzülgen bolup, bu pa'aliyetlergimu qiziqish yuqiri bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.