Yawropadiki Uyghur jama'iti barin inqilabining 34 yilliqini xatirilidi

Bérndin ixtiyariy muxbirimiz hebibulla izchi teyyarlidi
2024.04.08
turghunja-alawudun

Yawropa sherqiy türkistan birlikining uyushturushi bilen gérmaniyening myunxén shehiridiki xitay konsulxanisi aldida ötküzülgen namayishta ijra'iye komitétining mu'awin re'isi, diniy xizmetlerge mes'ul bolup kéliwatqan kishilerdin biri bolghan turghunjan alawudun ependi nutuq sözlimekte. 2024-Yili 5-aprél, gérmaniye. RFA/Hebibulla Izchi

barin-inqilabi-yawropa-1

Yawropa sherqiy türkistan birlikining uyushturushi bilen gérmaniyening myunxén shehiridiki xitay konsulxanisi aldida ötküzülgen namayishta Uyghur yash sho'ar towlimaqta. 2024-Yili 5-aprél, gérmaniye. RFA/Hebibulla Izchi

barin-inqilabi-yawropa-2

Barin inqilabining 34-yilliqini xatirilesh munasiwiti bilen yawropa sherqiy türkistan birlikining uyushturushida gérmaniyening myunxén shehiridiki xitay konsulxanisi aldida ötküzülgen namayish. 2024-Yili 5-aprél, gérmaniye. RFA/Hebibulla Izchi

barin-inqilabi-yawropa-3

Barin inqilabining 34-yilliqini xatirilesh munasiwiti bilen ötküzülgen pa'aliyette shiwétsiyediki péshqedemlerdin faruq sadiqof söz qilmaqta. 2024-Yili 5-aprél, shiwétsiye. RFA/Hebibulla Izchi

barin-inqilabi-yawropa-4

Barin inqilabining 34-yilliqini xatirilesh munasiwiti bilen ötküzülgen pa'aliyettin körünüsh. 2024-Yili 5-aprél, shiwétsiye. RFA/Hebibulla Izchi

Buningdin 34 yil burun, yeni 1990-yili 4-ayning 5-küni Uyghur élining aqtu nahiyesi barin yézisida Uyghurlarning naraziliq we qarshiliq heriketliri yüz bérip qattiq basturulghanidi.

Dunya Uyghur qurultiyi bu künni xatirilesh munasiwiti bilen Uyghurche we in'glizche mexsus bayanat élan qilghan bolup, bayanatta shundaq déyilgen؛ “Barin qozghilingi 90-yillarda Uyghur xelqining xitayning zulum siyasitige qarshi kolléktip halda élip barghan naraziliq herikitining bashlinish nuqtisi, xitayning eyni chaghda élip barghan qanliq basturushi bolsa, mahiyette xitayning kéyinki 10 yildin buyan Uyghurlargha qarita yürgüzüwatqan irqiy qirghinchiliqining béshariti idi” dep körsetken,

D u q bayanatida yene ؛ “Uyghurlar barin inqilabini pütün dunya miqyasida xatirilewatqan mushu künde dunya jama'etchiliki nöwette dawam qiliwatqan Uyghur irqiy qirghinchiliqigha esla süküt qilip turmasliqi lazim” dep, xelq'ara jem'iyetni Uyghur irqiy qirghinchiliqigha süküt qilmasliqqa chaqiriq qilghan.

Dunya Uyghur qurultiyi re'isi dolqun eysa bu munasiwet bilen radiyomiz ziyaritini qobul qilip, barin inqilabini xatirileshning ehmiyiti heqqide toxtilip ötti؛

D u q, 27-mart küni mexsus axbarat élan qilip, herqaysi ellerde pa'aliyet élip bériwatqan Uyghur teshkilatliri we Uyghur jama'itini özliri turushluq döletlerde barin inqilabining 34-yilliqini xatirilesh pa'aliyetlirini uyushturushqa chaqirghan bolup, dunya Uyghur qurultiyi mu'awin re'isi perhat muhemmidi radiyomiz ziyaritini qobul qilip dunya Uyghur qurultiyining chaqiriqi we xelq'arada élip bérilghan pa'aliyetler heqqide tepsiliy melumat bérip ötti؛

Barin weqesining 34 yilliqi munasiwiti bilen 5-aprél küni ilham toxtini qollash guruppisining uyushturushi we dunya Uyghur qurultiyi bérlin ishxanisining yéqindin masliship bérishi bilen xitayning bérlindiki bash elchixanisi aldida xitayning nöwette Uyghurlargha yürgüzüwatqan irqiy qirghinchiliqi we insaniyette qarshi jinayetlirige qarshi naraziliq namayishi ötküzülgen, namayish bir yérim sa'et dawam qilghan.

5-Aprél küni yene, yawropa sherqiy türkistan birlikining uyushturushi bilen gérmaniyening myunxén shehiridiki xitay konsulxanisi aldidimu barin inqilabining 34-yilliqini xatirilesh munasiwiti bilen xitaygha qarshi naraziliq namayishi ötküzülgen

Dunya Uyghur qurultiyi dini ishlar komitéti re'isi turghunjan alawiddin namayishta xitayning Uyghurlar üstidin yürgüzüwatqan irqiy qirghinchiliqigha qattiq lenet oqush bilen birge, gérmaniye fédératsiye hökümitini xitayning Uyghurlargha yürgüzüwatqan irqiy qirghinchiliqini tosup qélish üchün emeliy heriketke ötüshke chaqiriq qilghan. U mundaq dédi:

Shiwétsiye Uyghur birlikimu, 5-aprél küni shiwétsiye paytexti stokholmda barin inqilabining ehmiyitini yashlargha tonushturush üchün mexsus iptarliq pa'aliyet élip barghan, bu munasiwet bilen shiwétsiyediki Uyghur sha'ir abdushükür muhemmet barin inqilabini xatirileshning ehmiyitini üch nuqta arqiliq chüshendürdi.

Barin inqilabi munasiwiti bilen her yili muhajirettiki Uyghurlar bu künni xatirilep, xitaygha qarshi naraziliq namayishi we her xil xatirilesh pa'aliyetlirini ötküzüp kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.