Bawariye sen'et sehniside ghelibige érishken Uyghur ewladliri

Myunxéndin ixtiyariy muxbirimiz ekrem teyyarlidi
2023.12.04
dolan-ussuli-04 Merkizi myunxén shehiride bolghan “Gérmaniye Uyghur medeniyet we ma'arip birliki” teshkilatining qarmiqidiki “Uyghuriye mektipi” diki Uyghur qizlarning orundishidiki dolan ussuli, 2023-yili 2-dékabir, myunxén
RFA/Ekrem

2-Dékabir küni gérmaniyening bawariye shitatliq hökümitining 6-nöwetlik yashlar ussul musabiqisi myunxén shehride ötküzülgen. Musabiqige bawariye shitatida yashawatqan oxshash bolmighan milletlerning oxshimighan ussul türlirini asas qilghan 49 sen'et guruppisi qatnashqan. Merkizi myunxén shehiride bolghan “Gérmaniye Uyghur medeniyet we ma'arip birliki” teshkilati, öz qarmiqidiki “Uyghuriye mektipi” ning oqughuchilirini bu musabiqige qatnashturghan.

Merkizi myunxén shehiride bolghan “Gérmaniye Uyghur medeniyet we ma'arip birliki” teshkilatining qarmiqidiki “Uyghuriye mektipi” diki Uyghur qizlar, 2023-yili 2-dékabir, myunxén
Merkizi myunxén shehiride bolghan “Gérmaniye Uyghur medeniyet we ma'arip birliki” teshkilatining qarmiqidiki “Uyghuriye mektipi” diki Uyghur qizlar, 2023-yili 2-dékabir, myunxén
RFA/Ekrem

Bu qétimqi sen'et musabiqisi 3 derijige ayrilip bahalinidighan bolup, Uyghur ösmürliri bu musabiqide ikki nomur orundighan. Buning biri, Uyghur qizlirining orundishidiki dolan ussuli, yene birsi Uyghur qizliri we yigitliri birliship orundaydighan Uyghur sama ussuli bolghan. 49 Guruppining nomuri axirlashqanda, bahalash netijisi élan qilin'ghan.

Myunxéndiki Uyghurlarni cheksiz shadliqqa chömdürgini shuki, musabiqide dolan ussuli 1-derijige, sama ussuli 2-derijige érishken. Téximu xushallinarliqi, bu qétimqi musabiqide 1-we 2-derijige érishken Uyghur ösmür sen'etkarliri, 2024-yili gérmaniye boyiche ötküzülidighan memliketlik yashlar sen'et musabiqisige aldin tallan'ghan. Bu xosh xewer myunxéndiki Uyghur jama'iti arisida öydin-öyge tarap, kishilerni shadliqqa chömdürgen.

Merkizi myunxén shehiride bolghan “Gérmaniye Uyghur medeniyet we ma'arip birliki” teshkilatining qarmiqidiki “Uyghuriye mektipi” diki Uyghur qizliri we yigitlirining xatire süriti, 2023-yili 2-dékabir, myunxén
Merkizi myunxén shehiride bolghan “Gérmaniye Uyghur medeniyet we ma'arip birliki” teshkilatining qarmiqidiki “Uyghuriye mektipi” diki Uyghur qizliri we yigitlirining xatire süriti, 2023-yili 2-dékabir, myunxén
RFA/Ekrem

“Gérmaniye Uyghur medeniyet we ma'arip birliki” teshkilatining re'isi peride xanimning bildürüshiche, Uyghur ösmürliri orundighan dolan we sama ussulliri yüzligen tamashibinlar ishtirak qilghan bu sorunda kishilerning küchlük alqishlirigha sazawer bolghan. Uyghur ösmürliri qolgha keltürgen bu netijiler bolsa, Uyghurlargha shadliq we sherep ata qilghan.

D u q re'isi dolqun eysa ependi bu munasiwet bilen ziyaritimizni qobul qilghanda, bu utuqni qolgha keltürgen barliq yash-ösmürlerni hemde buning üchün hessiler qatqan “Gérmaniye Uyghur medeniyet we ma'arip birliki” teshkilatining xadimlirini qizghin tebrikleydighanliqini bildürdi. U sözide, xitay hakimiyiti Uyghur medeniyet-sen'iti we Uyghur kimlikini yoqitish üchün pa'al heriket qiliwatqan bir zamanda, Uyghur yash-ösmürlirining uni yawropa sen'et sehniside namayan qilip ghelibige érishishining alqishlashqa tégishlik bir hadise bolghanliqini eskertti.

Merkizi myunxén shehiride bolghan “Gérmaniye Uyghur medeniyet we ma'arip birliki” teshkilatining qarmiqidiki “Uyghuriye mektipi” diki Uyghur qizlarning orundishidiki dolan ussuli, 2023-yili 2-dékabir, myunxén
Merkizi myunxén shehiride bolghan “Gérmaniye Uyghur medeniyet we ma'arip birliki” teshkilatining qarmiqidiki “Uyghuriye mektipi” diki Uyghur qizlarning orundishidiki dolan ussuli, 2023-yili 2-dékabir, myunxén
RFA/Ekrem

“Gérmaniye Uyghur medeniyet we ma'arip birliki” teshkilatining xadimi rabiye xanim bu heqte toxtalghanda, musabiqide Uyghur ösmürlirining Uyghurlarning shanliq medeniyiti we ghururini namayan qilip nusret qazan'ghanliqini tilgha aldi. Gérmaniyediki jama'et erbabi ablimit tursun ependimu Uyghur ösmürlirining Uyghur medeniyet-sen'itini namayan qilip qolgha keltürgen bu ghelibisidin gérmaniyediki Uyghur jama'itining köp memnun bolghanliqini tekitlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.