Америка қатарлиқ дөләтләр б д т да уйғур паалийити өткүзидикән

Мухбиримиз мәмәтҗан җүмә
2021-05-09
Share
Америка қатарлиқ дөләтләр б д т да уйғур паалийити өткүзидикән Кишилик һоқуқни көзитиш тәшкилати б д т ишлири директори луис чарбоннав
Social Media

Келәр һәптә америка, германийә вә әнглийә қатарлиқлардин тәркиб тапқан бир нәччә дөләт бирликтә хитайниң уйғур вә башқа аз санлиқ милләтләрни бастуруш қилмишлири үстидә б д т да бирләшмә паалийәт өткүзидикән.

Келәр чаршәнбә күни ‍интернет арқилиқ өткүзүлидиған бу паалийәттә америка, германийә вә әнглийәниң баш әлчилири, җүмлидин кишилик һоқуқни көзитиш тәшкилатиниң иҗраийә директори кен рот вә хәлқара кәчүрүм тәшкилатиниң баш катипи агнес калламард қатарлиқлар уйғур вәзийити һәққидә сөз қилидикән.

Бу паалийәттә б д т системиси, әза дөләтләр вә пуқрави җәмийәтләрниң уйғур елидики хитайниң зиянкәшликигә учраватқан түркий милләтләрниң кишилик һоқуқини қоғдашта өтәйдиған роли музакирә қилинидикән.

Паалийәткә юқириқи дөләтләрдин башқа йәнә канада, австралийә вә явропадики башқа бир қанчә дөләтму иштирак қилидикән.

Һалбуки хитайниң б т д турушлуқ әлчиси б д т ға әза дөләтләргә нота йоллап, уларни юқирида пилан қилинған уйғур паалийитигә қатнашмаслиққа чақирған.

Хитай бу паалийәтни тәшкиллигүчиләрни "хитайниң ички ишлириға арилашти," дәп әйиблигән.

Ройтерсниң нәқил қилишичә, кишилик һоқуқни көзитиш тәшкилати б д т ишлири директори луис чарбоннав бейҗиң йиллардин буян башқа әлләрни уйғур мәсилисидә зуван сүрмәсликкә қистап кәлгән болсиму, әмма истратегийәлик мәғлубийәткә учриғанлиқини, чүнки хитайниң уйғур вә башқа түркий мусулманлириға қаратқан җинайи қилмишлиридин йиргәнгән техиму көп дөләтләр оттуриға чиқишқа башлиғанлиқини ейтқан.

Бу йил 19-январ америка һөкүмити хитайниң уйғурлар үстидин "ирқий қирғинчилиқ" вә инсанийәткә қарши җинайәт" өткүзүватқанлиқини җакарлиғандин кейин, канада, голландийә, әнглийә, австралийә қатарлиқ дөләтләрниң парламентлири "уйғур қирғинчилиқи" ни етирап қилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт