Б д т кишилик һоқуқ кеңишиниң 41-нөвәтлик йиғинида уйғурлар һәққидә музакириләр елип берилди

Ихтиярий мухбиримиз әркин тарим
2019-09-17
Елхәт
Пикир
Share
Принт
Б д т да дуня уйғур қурултийи, хәлқара кишилик һоқуқ мулазимәт мәркизи вә адвокатлар җәмийити бирликтә орунлаштурған «хитайниң қанунни иҗра қилиши» темисидики йиғинда д у қ программа мудири петир ирвин әпәнди сөзлимәктә. 2019-Йили 17-сентәбир, җәнвә.
Б д т да дуня уйғур қурултийи, хәлқара кишилик һоқуқ мулазимәт мәркизи вә адвокатлар җәмийити бирликтә орунлаштурған «хитайниң қанунни иҗра қилиши» темисидики йиғинда д у қ программа мудири петир ирвин әпәнди сөзлимәктә. 2019-Йили 17-сентәбир, җәнвә.
RFA/Erkin Tarim

16-Сентәбир күни бирләшкән дөләтләр тәшкилати кишилик һоқуқ кеңишиниң 41-нөвәтлик йиғинида уйғур мәсилиси, болупму «җаза лагерлири» мәсилиси тоғрисида кәскин музакирә елип берилған.

Д у қ рәиси долқун әйса әпәнди 17-сентәбир шветсарийәниң җәнвә шәһиридә давам қиливатқан б д т кишилик һоқуқ кеңишиниң 41-нөвәтлик йиғиниға қатнишип, уйғурлар мәсилиси бойичә бир йүрүш паалийәтлирини башлиди. Униң ейтишичә мәзкур йиғин 9-сентәбир күни башланған болуп, 16-сентәбир күнидики йиғинда хитайни қоллаватқан мусулман дөләтлири тәнқидкә учриған. Долқун әйса әпәнди бу һәқтә тохталди.

Б д т кишилик һоқуқ кеңишиниң 41-нөвәтлик йиғини 9-сентәбир күни башланған болуп, 25-сентәбиргичә давам қилидикән. Д у қ хитайниң кишилик һоқуқи дәпсәндичиликигә вә җаза лагерлириға қарши паалийәтлирини күчәйткән шуниңдәк хитайму б д т дики бу хил тәтүр тәшвиқатини күчәйткән болуп, 40-нөвәтлик йиғинда уйғур аптоном райониниң муавин рәиси әркин туниязни сөзләткән болса бу қетимқи йиғинда, йәни 16-сентәбир күни уйғур аптоном районлуқ уйғур тебабәт алий техникоминиң мудири турсунҗан хоҗаәхмәт исимлик кишини сөзлитип, өзлирини ақлашқа тиришқанлиқини баян қилди.

Д у қ рәиси долқун әйса әпәнди 17-сентәбир күни б д т да дуня уйғур қурултийи, хәлқара кишилик һоқуқ мулазимәт мәркизи вә адвокатлар җәмийити бирликтә «хитайниң қанунни иҗра қилиши» темисида йиғин чақирғанлиқи, йиғинда д у қ программа мудири петир ирвинниң сөзлигәнликини, нуқтилиқ һалда уйғур дияридики җаза лагерлири мәсилисини аңлатқанлиқини баян қилди.

18-Сентәбир күни д у қ вәкиллири йәнә б д т да өткүзүлгән кишилик һоқуқ кеңишиниң 41-нөвәтлик омумий йиғиниға қатнишип, 190 дин артуқ дөләтниң вәкиллири қатнашқан бу йиғинда уйғурларниң һазирқи еғир вәзийитини аңлитидикән.

Д у қ рәһбәрлириниң б д т дики паалийәтлири бир һәптә давам қилидиған болуп, бу бир һәптә җәрянида улар көплигән дөләтләрниң бирләшкән дөләтләр тәшкилатидики әлчилири билән көрүшидикән һәмдә б д т да чақирилған түрлүк мәзмунлардики йиғинларға қатнишидикән.

Пикирләр (0)
Share
Толуқ бәт