D u q yene bir qétim béyjing olimpik musabiqisini omumiyyüzlük bayqut qilishqa chaqiriq qildi

Ixtiyariy muxbirimiz ekrem
2021-12-21
Share
D u q yene bir qétim béyjing olimpik musabiqisini omumiyyüzlük bayqut qilishqa chaqiriq qildi D u q re'isi dolqun eysa ependi.
Social Media

Axbarat wastiliri yene 43 kündin kéyin béyjingda bashlinidighan qishliq olimpik musabiqisini omumiyyüzlük yaki déplomatik bayqut qilish mesilisining kishilik hoquq, démokratiye hem gherb qimmet qarishi nuqtisidin gherb döletliri duch kéliwatqan éghir sinaq boluwatqanliqini ilgiri sürüshmekte. Bu sinaqtin zadin qanchilik döletning öteleydighanliqi namelum. Amérika, en'giliye, kanada, awstraliye, yéngi zélandiye, litwa, bélgiye, awistriye qatarliq döletler 2022-yilliq béyjing qishliq olimpik musabiqisini déplomatik bayqut qilghan yaki türlük sewebler bilen bu musabiqigha dölet rehberlirini qatnashturmaydighanliqi bildürgen bolsimu, yene nurghun döletler éniq pozitsiye bildürüshtin özini qachuriwatqan yaki tewrinish ichide qalghan bir weziyette turmaqta.

D u q re'isi dolqun eysa ependi mana mushundaq bir ehwalda 21-dékabir küni chaqiriq élan qilip, pütün dunya miqyasida 2022-yilliq béyjing qishliq olimpik musabiqisini omumiyyüzlük bayqut qilish teshebbusini yene bir qétim otturigha qoydi. U sözide 2022-yili 1-ayning 4-küni barliq döletlerdiki olimpik komitétlirining aldida we hökümet binalirining aldida keng kölemlik namayish uyushturup, olimpik musabiqisini bayqut qilish üchün yene bir qétim téximu küchklük bésim shekillendürüshni tekitlidi.

Melum bolghinidek, 2022-yilliq béyjing qishliq olimpik musabiqisini bayqut qilish teshebbusi otturigha qoyulghili 2 yildin ashti. Bu teshebbusqa awaz qoshqan xelq'araliq teshkilatlarning sanimu 180 din halqidi. Emma xelq'ara olimpik komitéti qararini özgertmidi. Amérikaning teshebbusi bilen 1980-yili moskwada ötküzülgen olimpik musabiqisini bayqut qilghan döletlerning sani 40 tin halqighan. Biraq hazir 2022-yilliq béyjing qishliq olimpik musabiqisini déplomatik bayqut qilghan yaki türlük sewebler bilen bu musabiqigha dölet rehberlirini qatnashturmaydighanliqi bildürgen döletlerning sani téxi 10 gha yetmidi. Béyjing xelq'arada qandaqla bésimgha duch kelmisun, bu musabiqini dawamlashturidighanliqini bildürmekte.

U halda, 2022-yilliq béyjing qishliq olimpik musabiqisini bayqut qilish melum derijide bolsimu emelge ashmisa, uning aqiwtti zadi qandaq bolidu? bayqut chaqiriqidin zadi qandaq netijige érishkili bolidu?

Bu so'allirimizgha d u q re'isi dolqun eysa ependi qisqiche jawab berdi.

Yoqiriqi awaz ulinishidin programmining tepsilatini anglighaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet