“Özimiz kichik bolsaqmu arzulirimiz büyük!”

Aldinqi qétimliq söhbet programmimizda muhajirette dewa sépige qétiliwatqan Uyghur yashliridin shiwétsiyelik Uyghur qizi gülhayat mirzaxmet we gollandiyelik Uyghur yash exmetjan qasim bilen söhbetleshken iduq.

Nöwette ular özliri turushluq döletlerning axbarat qanalliri we uniwérsitétlirida Uyghurlarning nöwettiki weziyitini janliq shekilde anglitiwatqanliqi melum. Ular söhbitimiz jeryanida dunyaning her qaysi jaylirida yashawatqan Uyghur yashlirining Uyghur dewasigha qétilishining “Tallash” emes belki, “Mejburiyet” ikenlikini bildürüshken idi.

Gülhayat we exmetjan'gha oxshash yashlar dunyaning her qaysi jaylirida bezide ochuq-ashkara, bezide perde arqisida turup Uyghur dawasining algha ilgirilishige hesse qoshuwatqan bolup, bu xildiki yashlarning barghanséri köpiyiwatqanliqi melum.

Igilishimizche, nöwette türkiyede awan'gart yashlarni terbiyelesh kursi échiliwatqan bolup, muhajirette chong boluwatqan yashlardin Uyghur dawasigha köngül bölüwatqan Uyghur yashliri nuqtiliq terbiyelinidiken. Qazaqistanliq Uyghur qizi shahnaz yaqupuwa we türkiyelik Uyghur qizi ma'ide abdulhemid ene shu xil yashlarning jümilisidindur.

Biz bügünki söhbet programmimizgha bu yashlarni teklip qilduq. Ular özliri téxi kichik bolsimu, yürikide büyük arzularni saqlap kéliwatqan yashlar iken.

Söhbitimizning tepsilatini yuqiridiki awaz ulinishidin anglighaysiler.