Istanbulda Uyghur yashliri üchün tenterbiye-chéniqish kulubi échildi

Ixtiyariy muxbirimiz arslan
2021-09-07
Share
Istanbulda Uyghur yashliri üchün tenterbiye-chéniqish kulubi échildi Istanbulda échilghan tenterbiye chéniqish merkizi.
Photo: RFA

Merkizi istanbulgha jaylashqan sherqiy türksitan tenterbiye we tereqqiyat jem'yiti teripidin istanbulning Uyghurlar köp olturaqlashqan sefaköy rayonida tenterbiye chéniqish merkizi échildi.

6‏-Séntebir düshenbe küni bu chéniqish merkizining échilishi murasimi ötküzülgen bolup, murasimgha istanbuldiki sherqiy türkistan teshkilatlirining mes'ulliri we Uyghur yashliri qatnashti. Qur'an kerim tilawiti bilen bashlan'ghan échilish murasimida aldi bilen sherqiy türkistan tenterbiye we tereqqiyat jem'iyitining re'isi tahir kökbaraq söz qilip, bu chéniqish kulubining échilish meqsiti we uning Uyghur yashlirigha bolghan emeliy ünümi toghrisida toxtaldi.

Istanbulda échilghan tenterbiye chéniqish merkizining échilish murasimi.
Istanbulda échilghan tenterbiye chéniqish merkizining échilish murasimi.

Tahir kökbayraq sözide sherqiy türkistan tenterbiye we tereqqiyat jem'iyiti qarimida échilghan bu chéqinish saloni, istanbuldiki Uyghur yashlarni bir yerge jem qilip öz-ara tunushush pursiti yartip béridighanliqi, shuning bilen birge tenterbiye sahesidiki boks, taylandche mushtlishi we erkin mushtlishish qatarliq türlerde beden chéniqish hem meshq élip barghili bolidighanliqini bildürdi.

Kéyin sherqiy türkistan ölimalar birlikining re'isi doktur atawullah shahyar söz qilip, yéngidin échilghan bu chéniqish kulubini tebrikleydighanliqini bildürdi.

Doktur atawullah shahyar yashlarni tenterbiyege righbetlendürüp mundaq dédi: "Tenterbiyening meqsiti peqetla altun médal élish we yaki bir yerde musabiqigha qatnishish üchün emes. Tenterbiye insan üchün bolmisa bolmaydighan eng muhim bir beden herikitidur, chünki insan her zaman bir heriketke éhtiyaj tuyidu, shu wejidin tenterbiyeni köplep élip bérishimiz hem ten salametlikimiz üchün paydiliq hem özimizni téximu rohluq téximu küchlük tutush üchün paydiliq. Bu bir yaxshi bashlan'ghuch, buningdin kéyin unmi téximu kéngeytishimiz kérek. Hemmimizge melum bolghandek, séyit nochi, toxti chanbaz dégen tarixtiki shu baturlirimizmu tenterbiyeni xelqimiz arsida keng qanat yaydurghan idi. Shuning üchün pütkül xelqimizning ughul-qizlirini tenterbiye arqiliq chéniqishqa ehmiyet bérishini arzu qilimen."

Arqidin sherqiy türkistan ma'arip we hemkarliq jem'yiti shundaqla xelq'ara sherqiy türksitan teshkilatlar birlikining re'isi hidayetulla oghuzxan söz qildi we istanbulda tenterbiye chéniqish kulubining échilghanliqini tebriklidi.

Hidayetullah oghuzxan sözide Uyghur jem'iyitining meyli iqtisadiy jehette bolsun, meyli maddiy jehette bolsun we meyli ten-salametlik jehette bolsun, küchlük bir xelq topi berpa qilishqa éhtiyaji barliqini bildürdi.

9‏-Ayning 3 ‏-künidin 5 ‏-künigiche türkiye jumhuriyiti "Moytay", yeni taylandche mushtlishish jem'iyiti istanbul shöbisining uyushturushi bilen 3 ‏-nöwetlik yashlar-chonglar we mutexessis tenterbiyechilerning chimpiyonluq talishish musabiqisi ötküzülgen idi. Bu musabiqigha sherqiy türkistan tenterbiye we tereqqiyat jem'iyiti tarmiqidiki Uyghur chéniqish kulubidin 6 neper Uyghur mahir qatnashqan bolup, ularning hemmisi bu musabiqide reqiblirini yéngip birinchi bolghan idi.

Biz Uyghur mushtlashchilarning meshqawuli xalid ataman bilen söhbet élip barduq. Ziyaritimizni qobul qilghan xalid ataman, bu qétimqi musabiqide abdul'eziz, imran qatarliq alte neper Uyghur mahirning hemmisi ning reqiblirini yéngip birinchi bolghanliqini bildürdi.

Xalid atamanning bildürüshiche, ular istanbulning sefaköy we zeytinburnuda achqan chéniqish merkezliride hazir 150 etrapida Uyghur yash, moytay, erkin mushtlishish we boks türliri boyiche meshq élip barmaqta iken.

Ular Uyghur yashlirini tenterbiye saheside chéniqturup kelgüside türkiye we xelq'araliq musabiqilargha qatnashturush arqiliq, Uyghurlar mesilisini dunyagha angltish we dunya jama'iyitining diqqitini Uyghurlargha tartishni meqset qilidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet