Далай ламаниң алаһидә вәкилләр өмики бейҗиңда йәнә бир қетим сөһбәтләшмәкчи

Тибәтләрниң диний даһийси далай ламаниң алаһидә вәкилләр өмики бейҗиңда тибәтниң сиясий кәлгүси һәққидә музакирә елип бериш үчүн йәнә бир қетим йепиқ сөһбәт башлимақчи.
Мухбиримиз әқидә
2008.10.30
Share on WhatsApp
Share on WhatsApp

Хитай орган мәтбуатлирида билдүрүлишичә, бу қетимқи сөһбәт далай ламаниң тәлипи бойичә пиланлиған болуп, сүргүндики тибәт һөкүмити хадими икки нәпәр тибәт вәкилиниң бейҗиңда бир һәптә туридиғанлиқини тәкитлигән.

Далай ламаниң баянатчиси пәйшәнбә күни, җуңго даирилириниң бу қетимқи сөһбәттә пурсәтни чиң тутуп, актип инкас қайтурушини үмид қилидиғанлиқини ейтқан.

Бир қанчә күн илгири далай лама икки тәрәп диалогиниң тәрәққиятидин үмидсизләнгәнликини билдүрүп, җуңго тәрәпниң бу мәсилигә нисбәтән һазирға қәдәр һечқандақ бир инкас қайтурмайватқанлиқини тәкитлигән иди. 2002 ‏ - Йилидин буян далай ламаниң алаһидә вәкиллири билән хитай һөкүмити арисида 7 қетим сөһбәт елип берилған болсиму, әмма һечқандақ әмәлий нәтиҗигә еришмәй кәлмәктә.

Бу қетимқи сөһбәт 8 - қетимлиқ сөһбәт һесаблиниш билән биргә йәнә, җуңго олимпик тәнтәрбийә мусабиқисини аяқлаштурғандин кейинки биринчи қетимлиқ сөһбәт болуп һесаблиниду.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.