Истанбулдики дуня мусулманлири йиғинида уйғур мәсилиси оттуриға қоюлди

Ихтиярий мухбиримиз арслан
2016-03-09
Елхәт
Пикир
Share
Принт
«Дуня мусулманлириниң әһвали» намлиқ йиғиндин көрүнүш. 2016-Йили 6-март, истанбул.
«Дуня мусулманлириниң әһвали» намлиқ йиғиндин көрүнүш. 2016-Йили 6-март, истанбул.
RFA/Arslan

6-Март мәркизи истанбулға җайлашқан «оқур җәмийити» уюштурған «дуня мусулманлириниң әһвали» намлиқ йиғинда уйғур, сүрийә мусулманлириниң әһвали тоғрисида сөз қилинди.

Йиғинда уйғурларға алақидар шәрқий түркистан маарип вә һәмкарлиқ җәмийитиниң баш катипи абдуләһәд абдурахман сөз қилди.

Йиғинда сөз қилған адәм сөзкәсән әпәнди бу йиғинниң әһмийити вә уйғур қатарлиқ зулумға учраватқан мусулманлар тоғрисида тохтилип мундақ деди: «һәммимизгә мәлум болғинидәк, боснийә, чеченийә, кәшмир, шәрқий түркистан қатарлиқ онлиған дөләт вә районларда мусулманлар бүгүнки 21-әсирниң фирәвинлири тәрипидин қәтли қилиниватиду.

Зулумни түп йилтизидин қомуруп ташлашниң, мәзлумларни түгитишниң бирдин-бир чариси, қериндашлиқимизни қайтидин көздин кәчүрүп бир-биримизгә болған қериндашлиқни күчләндүрүштин ибарәт.»

Адәм сөзкәсән әпәнди сөзидә йәнә, уйғур қатарлиқ мәзлум мусулманларниң үстидин йүргүзүлүватқан зулумға хатимә бериш үчүн уларниң йенида болуп қериндашлиқ бурчини ада қилиш керәкликини тәкитлиди.

Йиғинда йәнә, уйғурлар вә арақан мусулманлириға алақидар тәйярланған һөҗҗәтлик филим қоюлди.

Филимда хитайниң уйғурларниң диний, миллий вә мәдәнийәт өрп-адәтлирини йоқитишқа урунуватқанлиқи хитай һакимийитиниң уйғур диярини ишғал қилғандин башлап уйғурлар үстидин ассимилятсийә сиясити йүргүзүватқанлиқи әмәлий көрүнүшләр вә пакитлар билән тәсвирләнгән.

Биз бу йиғин тоғрисида мәлумат елиш үчүн йиғинда сөз қилған абдуләһәд абдурахман билән сөһбәт елип бардуқ. Абдуләһәд әпәнди бу хил йиғинларниң түркийәдә көпләп ечилишиниң әһмийити тоғрисида тохталди.

Униң билдүрүшичә, йиғинға илим вә мәдәнийәт оқур җәмийитиниң әзалири болуп миң әтрапида адәм қатнашқан.

Хәлқара мунасивәтләр мутәхәссиси бингал арақан вәкили муһәммәд абәд ели әпәнди арақан мусулманлири тоғрисида сөз қилди.

Истанбул фатиһ султан мәһмәт университети оқутқучиси мәһмут нуриддин шабан вә журналист тәтқиқатчи үмид әрдоған әпәндиләр, сүрийә мусулманлириға алақидар сөз қилди.

Пикирләр (0)
Share
Толуқ бәт