ميۇنخېندىكى ئۇيغۇرلار قۇربان ھېيت نامىزىنى د ئۇ ق زالىدا ئوقۇدى

ئىختىيارىي مۇخبىرىمىز ئەكرەم
2015-09-24
Share
germaniye-heyt-namaz-myunxen.jpg ميۇنخېندىكى د ئۇ ق نىڭ پائالىيەت زالىدا ھېيتلىق ناماز ئۆتەۋاتقان ئۇيغۇرلار. 2015-يىلى 24-سېنتەبىر، گېرمانىيە.
RFA/Ekrem

گېرمانىيەنىڭ ميۇنخېن شەھىرىدىكى ئۇيغۇر جامائىتى قۇربان ھېيت نامىزىنى د ئۇ ق باش شتابى زالىدا بىرگە ئوقۇپ، بىر-بىرىنىڭ بايرىمىنى قۇتلىدى.

يىللاردىن بۇيان ميۇنخېن شەھىرىدىكى ئۇيغۇر جامائىتى ھېيت نامازلىرىنى د ئۇ ق نىڭ پائالىيەت زالىدا ئۆتكۈزۈپ كەلمەكتە. بۈگۈنمۇ كۆپلىگەن ئۇيغۇرلار قۇرۇلتاي زالىدا نامازنى بىرگە ئوقۇپ، ۋەتەندىكى قېرىنداشلىرىغا دۇئالار قىلدى ۋە بىر-بىرىنىڭ مۇبارەك بايرىمىنى تەبرىكلىدى.

نامازدىن ئىلگىرى ميۇنخېندىكى ئۇيغۇر جامائىتىنىڭ ئىمامى، د ئۇ ق دىنىي ئىشلار كومىتېتى مۇدىرى تۇرغۇنجان ئالاۋۇدۇنھاجىم قۇرئانى كەرىمىدىن تەپسىر قىلىپ، جامائەتنى ياخشىلىق يوللىرىغا دەۋەت قىلدى، ناماز ناھايىتى ئازادىلىك ئىچىدە ئوقۇلدى.

بۇ قېتىمقى نامازغا داخىل بولغان د ئۇ ق مۇئاۋىن رەئىسى ئۈمىد ئاگاھى ئەپەندى زىيارىتىمىزنى قوبۇل قىلغاندا، كېلەر يىللىق نامازنى ۋەتەندە ئوقۇشقا نېسىپ قىلىشنى جانابى ھەقتىن تىلىدى. د ئۇ ق مۇئاۋىن رەئىسى ئەسقەرجان ئەپەندىمۇ تەسىراتىنى بىلدۈرۈپ، خەلقىمىزگە ھۆرلۈك، نىجاتلىق تىلىدى. د ئۇ ق دىنىي ئىشلار كومىتېتى مۇدىرى تۇرغۇنھاجىممۇ خەلقىگە ئاسايىشلار تىلىدى ۋە قۇرۇلتاي نامىدىن پۈتۈن ئۇيغۇرلارغا بولغان سالاملىرىنى يوللىدى.

نامازدىن كېيىن توپ-توپ بولۇشۇپ، ئالدى بىلەن قازا قىلغانلارنىڭ قەبرىسىنى يوقلاپ دۇئا - تىلاۋەت قىلىش، قەبرە زىيارىتىنى ئاخىرلاشتۇرغاندىن كېيىن ھېيت پەتىسى قىلىش ميۇنخېن ئۇيغۇر جامائىتىنىڭ ياخشى ئادەتلىرىدىن بىرىگە ئايلانماقتا.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.