Gollandiyediki Uyghurlar qurban héyt namizini birge oqudi

Gollandiyediki Uyghurlarning qurban héyt namizidin körünüsh. 2015-Yili 24-séntebir.

2015‏-Yili 24‏-séntebir pütün dunya musulmanliri üchün yilda bir qétim kélidighan qurban héyt bayrimi boldi. Gollandiyediki Uyghurlar bu munasiwet bilen gollandiyening zeyst shehirige jaylashqan yawropa sherqiy türkistan ma'arip jem'iyitide jem bolup, qurban héyt namizi oqudi, bayramlirini tebrikliship birlikte ghizalandi, öz-ara külke-chaqchaq, shé'ir we yumurliri bilen bayramliq keypiyatigha chömdi.

Pa'aliyet shu yer waqti etigen sa'et 8 yérimde bashlandi. Yawropa sherqiy türkistan ma'arip jem'iyitining mes'ulliridin abduraxman qarajim mezkur qurban héyt namizining xutbiside Uyghurlarni étiqad-ibadetke ehmiyet bérishke, cheklen'gen ishlardin yiraq turushqa chaqirdi.

Gollandiyening yiraq-yéqinlardin kélip mezkur pa'aliyetke ishtirak qilghanlar özlirining yürek sözlirini anglatti.