Gollandiyediki iptarda Uyghurlar mesilisi türk, islam, gherb dunyasigha anglitildi

Ixtiyariy muxbirimiz ekrem
2017-06-10
Share
gollandiye-iftar-2.jpeg Gollandiyediki iptar pa'aliyitidin körünüsh. 2017-Yili 9-iyun, gollandiye.
RFA/Ekrem

Gollandiyediki yawropa sherqiy türkistan ma'arip jem'iyiti 300 din artuq türk, islam, gherb elliri kishilirini iptar sorunigha jem qilip, Uyghurlar mesilisini anglatqan. Bu pa'aliyetke türkiyening millet wekilliri, gollandiye parlaménti ezaliri, gollandiyediki türk, islam teshkilatlirining mes'ulliri, meschitlerning imamliri, Uyghur jama'iti bolup yüzligen kishi teklip qilin'ghan. Yawropa sherqiy türkistan ma'arip jem'iyitining mes'ulliridin obul qasim ependi bu heqte uchur bérip, pa'aliyetning nahayiti netijilik bolghanliqini ilgiri sürdi.

Gérmaniyedin d u q gha wakaliten teklip bilen bu iptar pa'aliyitige qatnashqan dolqun eysa ependi, bu pa'aliyetning yalghuz bir iptar pa'aliyiti emes, belki "Sherqiy türkistan mesilisi" ni türk, islam, gherb ellirige anglitish murasimi bolghanliqini tilgha aldi.

Yawropa sherqiy türkistan ma'arip jem'iyiti mes'ulliridin jama'et erbabi eysa qarimmu ziyaritimizni qobul qilip, mezkur pa'aliyetning künséri éghir zulumlargha muptila boluwatqan Uyghurlar mesilisini yene bir qétim teshwiq qilish pursiti bilen teminligenlikini eskertti. 

Yawropa sherqiy türkistan ma'arip jem'iyiti mes'ulliridin hüseyin tejelli ependi bu qétimqi iptar pa'aliyiti heqqide toxtalghanda, pa'aliyetning özliri kütkendin artuq netije hasil qilghanliqini mu'eyyenleshtürdi. 

Bu qétimqi iptar pa'aliyitide nutuq sözligen dolqun eysa ependi, türk we islam dunyasining Uyghurlar mesilisige yéterlik derijide ehmiyet bermeywatqanliqini tekitlep, pütün islam, türk alimining insaniy heq-hoquqliri éghir derijide depsende qiliniwatqan sherqiy türkistan xelqige ige chiqishni muraji'et qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet