Awstraliyede merhum hüsen hesen ependining rohigha atap qur'an tilawet qilindi

7-Dékabir awstraliyening sidnéy shehiridiki Uyghurlar bir yerge jem bolup, pidakar pa'aliyetchi, ma'aripchi, dunya Uyghur qurultiyining sabiq re'isi merhum hüsen hesen ependi wapatining qiriqini xatirilesh munasiwiti bilen uning rohigha atap qur'an tilawet qilish we merhumning hayat waqtidiki ish-izlirini eslesh pa'aliyiti élip barghan.

Merhum hüsen hesen ependi bu yil 30-öktebir késel sewebi bilen sidnéy shehiride alemdin ötken bolup, u, özining hijrettiki qisqighine hayati jeryanida muhajirettiki Uyghur dawasigha maddiy we meniwi jehetlerdin öchmes töhpilerni qoshqan. U, shundaqla awstraliyege Uyghur élidin köchmen bolup chiqqan köpligen wetendashlargha qolidin kélishiche yardemde bolghan.

Merhumni xatirilesh pa'aliyiti qur'an kerim tilawiti bilen bashlan'ghan bolup, pa'aliyetke Uyghur ziyaliysi sultan rustem riyasetchilik qilghan.

Pa'aliyette yene, dunya Uyghur qurultiyining mu'awin re'isi memtimin ela, merhumning repiqisi gülistan xanim we shundaqla uning yéqinliridin abliz ependiler söz qilghan.
Yaponiyediki ixtiyariy muxbirimiz haji qutluq qadiri merhum hüsen hesen ependining rohigha atap ötküzülgen qur'an tilawet qilish we eslesh pa'aliyiti heqqide melumat béridu.

Yuqiriqi awaz ulinishidin tepsilatini anglang.