Kuchada sémontta qaturulghan qewetlik zaratgahliq quruluwatqanliqi ashkarilandi

Muxbirimiz shöhret hoshur
2018-08-09
Élxet
Pikir
Share
Print
Xitayning jeset köydürüsh jeryanidin körünüsh.
Xitayning jeset köydürüsh jeryanidin körünüsh.
baike.baidu.com

Muxbirimizning kucha nahiyisidiki lagérlar toghriliq élip barghan téléfon ziyaretliri dawamida xaniqatam yézisida üstige taxtay yépilghan, asti sémont bilen qaturulghan 2-3 qewetlik zeretgahliq quruluwatqanliqi ashkarilandi.

Melum bolushiche, xitay xelq ishliri ministirliqi 2009‏-yili höjjet chüshürüp, memliket boyiche depne islahatini yolgha qoyushni chaqiriq qilghan idi. Depne islahati layihiside jesetni en'eniwi usulda, yeni jeset sanduqigha sélip yerge kömüshning ornigha jesetni köydürüwétish teshebbus qilin'ghan idi. Mezkur höjjette yene bu islahatni derhal ijra qilmasliq, belki qedemmu-qedem ijra qilish, awwal partiye ezasi bolghan bir qisim ölgen kishilerni köndürüsh telep qilin'ghan idi. Buning netijiside 2014-yildin bashlap, depne islahati xitayning yünnen we jyangshi qatarliq ölkiliride resmiy ijra qilinishqa bashlighan. Bu yil ürümchide katta jeset köydürüsh orni tesis qilinidighanliqi élan qilinip, mezkur islahatning Uyghur aptonom rayonidimu téz we jiddiy yolgha qoyulidighanliqidin shepe bérilgen idi. 

Biz kuchagha qarita élip barghan téléfon ziyaretlirimiz dawamida jeset bir terep qilish orunliri heqqidimu melumat soriduq. Alaqidar saqchi xadimi kuchaning xaniqatam yézisining üstün say'ériq, töwende say'ériq we bazar kentliride jeset bir terep qilishqa a'it qurulushlarning élip bériliwatqanliqini bayan qildi. 
Kucha nahiyisidiki saqchi saqchi xadimi séliniwatqan qewetlik zaratgahliqning üstide taxtay barliqi, astigha sémont qaturuliwatqanliqini bayan qildi. Emma u bu zaratgahliqning sémont we taxtaydin qilinidighanliqi we qewetlik qilinidighanliqi heqqide melumat bérelmidi. 
Xitay torliridiki xewerlerdin melum bolushiche, xitayning jyangshi ölkisi depne islahatini 2020‏-yiligha qeder 100 pirsent emeliyleshtürüp bolushni buyrughan. Buyruqta kolléktip zeretgahliq berpa qilish, jesetler köydürülüsh we bir kishilik jeset küli üchün 1 kwadrat métirdin oshuq yer ayrimasliq shert qilin'ghan. 

Kuchadiki saqchi xadimi xaniqatam bazar kentide quruluwatqan bu qewetlik zaratgahliqning kölimining birqanche mo ikenlikini bayan qildi. Emma bu zaratgahliqning qanchilik kishi üchün pilanlan'ghanliqi, her bir kishi üchün qanchilik orun ayrilghanliqi heqqide melumat bérelmidi. 

Biz ilgiri xoten'ge qarita élip barghan téléfon ziyaretlirimiz dawamida bu jaylarda bulturdin bashlap depne murasimi orni quruluwatqanliqi, bu orunlarning asasliqi méyit uzitish ishlirigha nazaret we yétekchilik qilidighanliqi melum bolghan idi. Kucha xaniqatamda qurulghan bu qewetlik zeretgahliq, yeni sémont yerlik Uyghur rayonida quruluwatqan depne murasimi mulazimet orunlirining wezipisining xitayning qilghan depne islahati layihisini Uyghur rayonida eynen ijra qilish ikenlikidin isharet bermekte.

Toluq bet