Toqquzaqning mush yéza we toqquzaq baziridimu 60 nechche meschitning chéqilghanliqi delillendi

Muxbirimiz shöhret hoshur
2016-12-13
Share
Qaghiliq-nahiyisidiki-Meschit-305.jpg Qaghiliq nahiyisidiki meschit. 2011-Yili noyabir.
RFA/Mehriban

Toqquzaqning len'ger yézisida 86 meschittin  57sining chéqilghanliqi ashkarilan'ghandin kéyin, muxbirimiz bu nahiyening bashqa yéza baziridiki meschitlerning ehwali heqqidimu melumat igilidi. Netijide , "Meschitlerni elalashturush" nami astida élip bérilghan bu meschit chéqish herikitining nahiye teweside omumyüzlük élip bérilghanliqi delillendi.

Teweliktiki saqchi xadimlirining ashkarilishiche, mush yézisidiki 65 meschittin 40 nechchisi chéqilghan, toqquzaq baziridiki 37 meschittin 20 si chéqilghan. Uyghur millitining diniy étiqad we milliy medeniyet qurulushi saheside élip bérilghan bundaq zor bir buzush we chéqish herkitini axbarat dunyasidin yoshurun tutulghanliqi Uyghur közetküchilerning diqqitini tartti.

Bu heqte radiyomizda pikir bayan qilghan siyasiy közetküchi memet toxti ependi, ibadet orunlirigha chéqilishning hem xelq'ara qanun hem insaniy exlaq nuqtisidin éghir jinayet ikenlikini eskertip , xitayning keng kölemde élip barghan meschit chéqish herkitini wehshiy bir dölet zorawanliqi we buzghunchiliq herikiti dep eyiplidi. Xitayning bu arqiliq b d t ning din we medeniyetke alaqidar bir qatar ehdinamilerni depsende qilghanliqi, shundaqla diplomatik munasiwetliride islam dunyasigha bergen wedilirigimu xilapliq qilghanliqini bayan qilghan memet toxti ependi weqeni Uyghur teshkilatlirining téz we jiddiy halda xelq'ara sehnige élip chiqishi kéreklikini tekitlidi.

Yuqiridiki awaz ulinishi arqiliq programmining tepsilatini anglighaysiz.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.