Xitaydin kelgen xadimlar misirdiki Uyghur oqughuchilargha bésim ishletken

Ixtiyariy muxbirimiz pida'iy
2016-10-19
Share
misir-uyghur-xitay-teshwiqat.jpg Xitay tereptin mexsus ewetilgen xizmet ishlesh guruppisi misirda élim tehsil qiliwatqan Uyghurlargha xizmet ishlimekte.
RFA

Yéqinda féysbok qatarliq ijtima'iy taratqularda misirda ilim tehsil qiliwatqan Uyghurlargha xitay tereptin mexsus ewetilgen xizmet ishlesh guruppisining pa'aliyetlirige a'it bir filim tarqalghan.

Filimge qarighanda, misirdiki xitay elchixanisida échilghanliqi ilgiri sürülgen yighinda xitay hökümiti ewetken bir Uyghur xadim Uyghur oqughuchilarni "Barsa kelmes yol" gha mangmasliqqa dewet qilghan. Emma u, bu yol heqqide izahat bermigen. Özining xitaydin kelgen xizmet guruppisigha tewe ikenlikini bildürgen bu ayal xadim yene oqughuchilarni xitay döliti üchün xizmet qilishqa chaqirghan.

Uninggha bérilgen izahat we inkaslardin melum bolushiche, misirda oquwatqan Uyghur oqughuchilarning shu yerde turushluq resmiyetlirining kocha-koylarda ashkara tekshürülüwatqanliqi, resmiyiti toluq bolmighanlarning awarichiliklerge uchrawatqanliqi, yene bezilirining sirtlargha chiqmay öyliride yoshurunup yürüwatqanliqi ilgiri sürülgen.

Biz bu heqte uchur igilesh üchün misirdiki xitay elchixanisigha téléfon ursaq, téléfon ulanmidi.
Weqedin xewerdar gollandiyediki obulqasim abdu'éziz ependi bu heqte ziyaritimizni qobul qilip, özlirining tonushliridin sürüshte qilish arqiliq bu xewerlerning rastliqini bilgenlikini éytti.

Yéqinda misirdin yawropa ellirige kélip panahliq tilewatqan yene bir Uyghur özining kimlikini yoshurupla qalmay, belki bu heqtimu melumat bérelmeydighanliqini éytip ziyaritimizni qobul qilmidi. Buningdin misirdiki Uyghurlarning ehwalining éghirliqini, u yerde turuwatqan Uyghurlarning qandaq künlerni körüwatqanliqini perez qilish tes bolmisa kérek.
Gollandiyede yashawatqan diniy ziyaliylardin hüseyin tejelli ependimu bu heqte pikir bayan qilip, özining misirda turghan chaghlirini eslep ötti we xitaylarning bu qilmishlirigha qarita öz chüshenchilirini radiyo anglighuchilirimiz bilen ortaqlashti.
Obulqasim abdu'éziz ependi, xitay hökümet xadimlirining misirda élip bériwatqan bu xil yolsizliqliri, xitay hökümitining Uyghur diyarlirida ijra qiliwatqan diniy cheklimilirining weten sirtigha kéngiyishi dep qaraydighanliqini we misir hökümitining, xitayning misirdiki bu xil zorawanliqlirigha süküt qilishtin, nomus qilishi lazimliqini bildürdi.
Chet'ellerde ilim tehsil qilip weten'ge qaytalmay qalghan diniy ölimalardin abduraxman qarajimmu bu heqte özining oylighanlirini ortaqliship, misir diniy ilimning merkezliridin biri, dep teriplinip kéliwatqan bir yer bolushigha baqmay, el sisi hakimiyitidin kéyinki bu xil yüzlinishke duchar boluwatqanliqidin epsuslinidighanliqi bildürdi we Uyghur wetendashlirini hoshyar bolushqa chaqirdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.