Norwégiyediki Uyghurlar qurban héyt namizini bir yerge jem bolup oqudi

Ixtiyariy muxbirimiz éhsan
2016-09-13
Share
nurwigiyediki-uyghur-perzentler.jpg Norwégiyediki Uyghur perzentler qurban héytni tebriklesh pa'aliyitide. 2016-Yili 12-séntebir.
RFA/Éhsan

12-Séntebir küni norwégiyening Oslo shehiridiki Uyghurlar Qurban héyt namizini Uyghur islam medeniyet merkizining orunlashturushi bilen mezkur merkizide birlikte oqudi.

Ömer hajim namazdin burun wez éytip, hejning musulmanlar üchün perz qilin'ghanliqi, qurban héyt namizini oqush bilen qurbanliq qilishning wajip qilin'ghanliqi heqqide chüshenche berdi. U yene yashlarni öz wetinini qizghin söyüshke, ata-anilarni hörmetleshke, ularning xizmitini qiliwélishqa dewet qildi.

Qurban héyt namizi oqulup bolushigha, jama'et ömer hajimning yétekchilikide du'agha qol kötürdi. Wetini üchün, Uyghurlarning milliy we diniy heq-hoquqliri üchün jénini qurban qilghan shéhitlarning rohigha atap du'a-tilawetler oquldi. Xitayning qarangghu zindanlirida yétiwatqan weten oghlanliri we ularning a'ile tawabi'atlirigha allahdin sebir tilidi.

Namazdin kéyin, jama'et birlikte Uyghur islam medeniyet merkizi teripidin orunlashturghan héytni tebriklesh ziyapitige daxil boldi.

Norwégiye Uyghur islam medeniyet merkizining mes'uli ömer hajim ziyaritimizni qobul qilip, pütün musulmanlarning qurban héytini tebriklesh bilen birge, oslo tewesidiki ata-anilarning perzentlirini yéngi échilghan qur'an kursigha ewetip, perzentlirining diniy we milliy kimlikini qoghdashqa türtke bolushini telep qildi.

Norwégiye Uyghur komitétining re'isi nighmet tursun hajim bügünki héytliq pa'aliyitidin alghan tesiratini anglatti.

Norwégiyede yashawatqan tel'et hajim ziyaritimizni qobul qilip, özining norwégiyediki Uyghurlar jama'itining inaq -ittipaqliqidin memnun ikenlikini bildürdi.

Norwégiye Uyghur islam medeniyet merkizi yene, norwégiyediki Uyghur perzentlerge héytliq pul tarqitip, sebiylerning héytning xasiyitini bilishige asas saldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet