Pakistanda shi'e musulmanlirigha zerbe bérish weqesi sadir boldi

U bixeterlik qoshunlirigha esebiy küchlerge taqabil turush buyruqi bergenliki, biraq buning netijisi bolmaywatqanliqini eskertken. Bu ölke bashliqi yene istixbarat we qanunni ijra qilish organlirini qabliyetsizlik bilen eyibligen,

Baluchistandaq yüz bergen shiyelerge hujum qilish weqesi munasiwiti bilen pakistan prézidénti zerdari baluchistan ölke bashliqha téléfon bérip, bu jaydiki hazara shiye musulmanlirini birlikte qoghdashni telep qilghan.

Béluchistanda shiyelerge bomba hujumi qilish weqesi bu yil 1 - ayda bir qétim yüz bérip az dégende 92 adem hayatidin ayrilghan idi.

Hazaralar afghanistandiki asasliq üch milletning biri bolup, ularning xéli köp qisimi pakistanning gherbiy jenubida yashaydu. Hazaralar 13 - esirde jenubiy asiyagha kirgen chinggizxan qoshunlirining ewladliri bolup, ular türkiy qebililer bilen ariliship ketken hemde esirlerdin béri köpiyip ayrim bir millet bolup shekillen'gen, hazaralar paris tili ishletsimu, biraq chiray - turqi türkiy tilliq özbék we Uyghurlargha oxshaydu. Diniy jehettin islam dinining shiye mezhipige mensuptur.