Dunyaning her qaysi jayliridiki Uyghurlar qurban bayrimini tebrikleshti

Ixtiyariy muxbirimiz pida'iy
2016-09-14
Share
Gollandiye-Qurban-Heiyt-1.jpg Gollandiyediki barliq Uyghurlar teklip qilin'ghan qurban héyt pa'aliyitidin körünüsh. 2016-Yili 12-séntebir, denhax.
RFA/Pida’iy

Gollandiyediki Uyghurlar héytning tunji küni birlikte namaz qilipla qalmay, shu küni chüshtin kiyin yene bir sorun hazirlap, héytning xushalliqini sen'et bilen ipadiligen.

Shu küni chüshtin kiyin sa'et 4 din kech sa'et on'gha qeder dawam qilghan bu pa'aliyetni gollandiyening denhax shehirige merkezleshken Uyghurlar topi uyushturghan bolup, bu pa'aliyetke gollandiyediki barliq wetendashlar teklip qilin'ghan.

Égilishimizche, pa'aliyette naxsha-usuldin bashqa, shé'ir oqush we yaxshiliqqa ündesh xaraktéride programmilarmu élip bérilghan. Pa'aliyetke ishtirak qilghanlardin beziler özining bu yilliq héyt bayrimini nahayiti xushal keypiyatta ötküzgenlikini bayan qilishti.

.Shu küni yene, firansiyening paytexti parizhda yashawatqan yene bir qisim Uyghurlarmu öz-ara petilishish arqiliq héytlashqan.

Istanbulda yashawatqan yene bir Uyghurmu programmimizgha awaz qétip, özining bu yilliq qurban héyt bayrimini qandaq ötküzgenliki we qandaq hés-tuyghulargha chömgenlikini radiyo anglighuchilirimiz bilen ortaqlashti.
Türkiyening enqere shehiridin Uyghur zhurnalist, terjiman we tetqiqatchi yazar mirkamil qeshqeriy ependi wetendashliri qatarida héytliq salam yollash bilen birge, qurban héyt munasiwiti bilen meshhur töhpikarlarni eslesh arqiliq ewladlarda weten söygüsi tikleshni adet qilishni tekitlidi.

Se'udi erebistanning mekke shehiride yashawatqan Uyghur ölimaliridin sérajiddin ezizi ependi mekkidiki qurban héyt bayrimining qosh ewzellikini bildürdi we héyt munasiwiti bilen wetendashlirigha du'ayi-salamlar yollidi.

12-Séntebir bashlan'ghan qurban héyt bayrimi Uyghurlar arisida eng az üch kün dawam qilidu. Wetini sirtida yashawatqan Uyghurlarmu bu en'enisini özliri yashawatqan yerlerde dawam qilishtin waz kechkini yoq. Melum bolushiche, héyt bayrimi munasiwiti bilen élip bériliwatqan pa'aliyetler dunyaning herqaysi jaylirida jama'et bolup, topliship petilishish we a'ililer boyiche mexsus petilesh sheklide dawam qilmaqta. Kündüzi xizmet éhtiyaji bilen aldirash ötüwatqanlarmu, axshamliq aram ilishlirini héytning xushallinarliq tuyghulirigha serp qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.