Рабийә қадир ханим әлмунер фондиниң “өмүрлүк нәтиҗә” мукапатини тапшуруп алди

Мухбиримиз гүлчеһрә
2016.04.01
rabiye-qadir-elmunir-mukapati-2016.jpg Рабийә қадир ханим әлмунер фондиниң “өмүрлүк нәтиҗә” мукапатини тапшуруп алмақта
Photo: RFA
omurluk-netije-mukapati-rabiye-1.jpg

Рабийә қадир ханим әлмунер фондиниң “өмүрлүк нәтиҗә” мукапатини тапшуруп алди. 2016-Йили 1-апрел, вашингтон.

omurluk-netije-mukapati-rabiye-2.jpg

Рабийә қадир ханим әлмунер фондиниң “өмүрлүк нәтиҗә” мукапатини тапшуруп алди. 2016-Йили 1-апрел, вашингтон.

omurluk-netije-mukapati-rabiye-3.jpg

Рабийә қадир ханим әлмунер фондиниң “өмүрлүк нәтиҗә” мукапатини тапшуруп алди. 2016-Йили 1-апрел, вашингтон.

omurluk-netije-mukapati-rabiye-4.jpg

Рабийә қадир ханим әлмунер фондиниң “өмүрлүк нәтиҗә” мукапатини тапшуруп алди. 2016-Йили 1-апрел, вашингтон.

omurluk-netije-mukapati-rabiye-5.jpg

Рабийә қадир ханим әлмунер фондиниң “өмүрлүк нәтиҗә” мукапатини тапшуруп алди. 2016-Йили 1-апрел, вашингтон.

Мәркизи ню-йорктики әлмунер вәхпиниң қурғучиси вә рәһбири муфти мунер әхмәт ахон уйғур миллий һәрикити рәһбири рабийә қадир ханимға, мәзкур җәмийәт тәсис қилған “өмүрлүк нәтиҗә мукапати” ни өз қоли билән тапшуруп бәрди.

Муфти мунер өзини “мән уйғур, тегим хотәндин, бу вәтәндашлар, юртдашлар учришишидин өзүмни бәк пәхирлик һес қилимән...” дәп тонуштурғанда, рабийә қадир ханим өзиниң бу күтүлмигән мукапатқа қариғанда, бүгүнки бу юртдашлиқ учришишидин бәкрәк иптихарланғанлиқини билдүрди.

31-Март күни хитай рәиси ши җинпиңниң вашингтон зияритигә қарши бирләшмә намайиш қилип ишханисиға қайтқан уйғур миллий һәрикити рәһбири рабийә қадир ханим күтүлмигән бир мукапатни тапшуруп алди. Шу күни чүштин кейин рабийә қадир ханим мәркизи ню-йорктики әлмунер вәхпиниң қурғучиси вә вә рәһбири муфти мунер әхмәт ахун вә униң икки нәпәр ярдәмчисини өз ишханисида қизғин күтүвалди.

Улар сәмимийәт вә һөрмәт иликидә рабийә қадир ханим билән тунҗи нөвәт йүз туранә көрүшүши болсиму, әмма рабийә қадир ханимниң һаяти паалийәтлиридин хәвәрдар икәнликини вә униң уйғур ели вә у җайдики мусулманларниң һәқ-һоқуқлири үчүн елип бериватқан хизмәтлиригә қайил икәнликини шундақла бу йолда униң вә аилисиниң төләватқан мислисиз бәдәллиригә чәксиз һөрмәт билдүридиғанлиқини, коммунист хитай һакимийитиниң асарити астидики уйғур хәлқиниң һал әһвалиға йеқиндин көңүл бөлүватқанлиқини билдүрди.

Тәшкилат рәиси муфти мунир әхмәт бу тәшкилат тәрипидин тәсис қилинған “өмүрлүк нәтиҗә мукапати” ни өз қоли билән рабийә қадирға тапшуруп бериш пурситигә муйәссәр болғанлиқидин пәхирлинидиғанлиқини билдүрди.

Әлмунер фондидин кәлгән меһманлар өзлириниң тәшкилати вә хизмәтлири һәққидә рабийә қадир ханимға қисқичә доклат қилди.

Уларниң чүшәндүрүшичә, әлмунер вәхпи мусулман әһлигә хизмәт қилишни мәқсәт қилип 2010-йили қурулған болуп, җәмийәт америка вә дуня миқясида мусулманларниң ислам маарипини күчәйтиш, дәвәт, мусулманларниң орни вә һәқ‏-һоқуқлирини, иҗтимаий параванлиқ, маарип ишлирини илгири сүрүшни мәқсәт қилған икән.

Җәмийәтниң америкиниң өзидила 10 миңдин көп җамаити вә әгәшкүчилири бар болуп, җәмийәт рәиси муфти мунер әхмәт болса, америкида вә ислам дунясида тонулған һөрмәткә сазавәр ислам алимлиридин икән.

Униң бир қанчә диний китаблиридин башқа “рәйһан” вә “әкбәрие җаһан” телевизийә қаналлирида мәхсус ислам диний дәвәт вә сават программиси бар икән.

Фондиниң хизмитидин башқа йәнә у ислам пәтивачилар өмикиниң мәслиһәтчи өлималириниң бири болуп, дуняниң һәр қайси җайлиридики ислам университетлирида тәклиплик дәрсләр беридикән.

Муфти йәнә ню-йорк штатида мусулманларниң һейтта бир күн арам елиши қатарлиқ һәқлириниң қанунлаштурулушида рол ойниған өлима болуп, униң башқурушидики әлмунер җәмийити нөвәттә америкиниң бостон шәһиридә америка бойичә тунҗи ислам университети, йетим вә тул, игә-чақисиз аяллар параванлиқ орунлирини бир гәвдә қилған шәһәрчә район қурулуши қиливетипту вә униң намини “мушки хотән” дәп қоймақчи икән.

Фондиниң рәиси муфти мунер әхмәт сәмимийәт билән қолидики алаһидә тәйярлап кәлгән аилә нәсәбнамисини рабийә қадир ханимға сунуп, “мән уйғур, мениң йилтизим шәрқий түркистанниң хотән дияридин, мениң ата, бовам қарақашниң илчи шорбағдин” девиди, рабийә ханим техиму һәйран болди вә бәкму сөйүнди.

Муфти мунер өз аилисиниң узақ заманларда уйғур елидин пакистан вә әрәбистанларға һиҗрәт қилип берип шу җайларға җайлишип, кейинки үч әвлад чәтәлләрдә яшаватқан болсиму, бу җәмәтниң нәсәби “нияз муһәммәт уйғур хотәни түркистани” дегән уйғурлуқ фамилә намини сақлап келиватқанлиқини, өзиниң гәрчә уйғур тилида сөзлишәлмисиму, қәлбиниң вәтинигә тәлпүнидиғанлиқини, өзиниң уйғурлар үчүн қолидин келишичә хизмәт вә ярдәмдә болуш истики барлиқини билдүрди.

Һаяҗанланған рабийә қадир ханим өзиниң бу күтүлмигән мубарәк мукапаттин бәкрәк, йилтизини издәп өзигичә улашқан бу юрт сөйгүсидин қаттиқ тәсирләнгәнликини билдүрүп меһманлар билән қайтидин қизғин көрүшти вә уйғурларниң һазирқи һал әһваллири, диний, сиясий иқтисадий җәһәтләрдики вәзийәтлиригә узун муңдашти, һәмкарлишиш мумкинчилики бар саһәләр үстидә мәслиһәтләшти.

Рабийә ханим “бүгүнки бу мубарәк учришиштин мән уйғурумниң мәйли немә сәвәбләрдин нәләргә тарап кәтмисун, өзиниң йилтизини издәйдиған вәтән сөйгүсини, юрт сөйгүсини, милләт сөйгүсини йәнә бир қетим чоңқур һес қилдим” деди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.