Se'udi erebistandiki Uyghurlarning héyt shadliqi

Ixtiyariy muxbirimiz ömerjan
2013-10-15
Élxet
Pikir
Share
Print
Bir kün ichide mekkige hej üchün yighilghan 2 milyondin artuq musulman. 2010-Yili 16-noyabir.
Bir kün ichide mekkige hej üchün yighilghan 2 milyondin artuq musulman. 2010-Yili 16-noyabir.
AFP

Qurban héyt pütün musulmanlarning diniy bayram küni bolup, Uyghurlar üchün hem diniy hem milliy ayem hésablinidu. Uyghurlar ming yildin köprek tarixtin biri bu héyt künini her yili shundaq qutlap kelmekte.

Bügünki qurban héyt künide weten ichidiki Uyghurlar ayem tentenisi qilghandek, dunyaning herqaysi jayliridiki Uyghurlarmu ayem tentenisige chömmekte. Köp jaylarda ular Uyghurlargha xas jama'et bolup héytlash pa'aliyitini dawamlashturmaqta. Se'udi erebistanda bolsa Uyghurlarning köp qismi bu künlerde hej pa'aliyiti bilen meshghul bolghanliqtin, ular héytlishish ishlirini hejdin kéyinki künlerge kéchiktüridu.

Se'udi erebistandiki héyt shadliqi we héyt künliride qilishqa tégishlik ishlar heqqide melumat élish üchün se'udi erebistanning mekke mukerreme shehiride turushluq wetenperwer ziyaliy sirajidin ezizigha muraji'et qilghan iduq.

Sirajidin ezizi bilen söhbet

Sirajidin hajim se'udi erebistandiki Uyghurlarning héytlash pa'aliyiti heqqide melumat bérip mundaq dédi:
"Qurban héyti musulmanlarning chong bayrimi. Musulmanlarning rozi héyti we qurban héyti dep ikki bayrimimiz bar. Mekke shehiride qurban héytida héyt künliri héytlishish yoq, ular kéyinrek héytlishidu. Chünki héyt künliride köp kishiler hej pa'aliyiti bilen bolidu. Emma jidde, ta'if, medine qatarliq sheherlerde héyt künliride héytlishish bar. Bu yerdiki Uyghurlarda yéqinqi waqittin biri birliship héytlishish ishliri qaytidin janlan'ghan idi. Uni dawam qildurushqa tirishimiz. Uyghurlar bu yerde uruq-tughqanlar ara izdishishni we bir-birini ziyaret qilishni nahayiti muhim bilidu. Héyt bayrimidiki muhim bir mesile biz dostlar we tughqanlar arisidiki yéqinliq rishtimizni kücheytimiz. Héytning asasliq ghayisi we hékmiti dostluq rishtisini kücheytish üchündur. Shunga bu yerde buninggha bekrek ehmiyet bérilidu."

Uyghur élidiki qérindashlargha héytliq sowghat

Sirajidin ezizi yene mundaq dédi:
"Ana wetendiki Uyghur qérindashlargha hediyem shuki, birinchidin, ular bu héyt ayem künlirining mahiyitini we meqsitini yaxshi chüshinishini soraymen. Héyt künliri dégen tughqanlar we dostlar ara bir-birini izdishish we munasiwetni kücheytishni tewsiye qilimen. Men bilip nurghun kishilerning azraq bir sewebler bilen adawetlishidighan ishlar bolidiken. Ikkinchidin, mushu héyt munasiwiti bilen birlikni we inaqliq kücheytip tughqanlar ara yéqinliqni dawam qildurushini, tughqanlar, qoshnilar we jama'etler otturisida adawetke seweb bolidighan, birlikni buzidighan ishlarni qilmasliqini tewsiye qilimen."

Yuqiridiki awaz ulinishidin sirajidin ezizi ependi bilen élip barghan söhbitimizni anglighaysiz.

Toluq bet