Shiwétsiyediki Uyghurlar qurban héyt namizini bir yerge jem bolup oqudi

Sitokholmning rnikibiy rayonidiki somali meschitide Uyghurlar qurban héyt namizidin kéyin, héytliq salamlashmaqta. 2015-Yili 24-séntebir, shiwétsiye.

Shiwétsiyediki Uyghurlar pütün dunya musulmanliri bilen birlikte 24-séntebir küni shiwétsiyening paytexti sitokholmning rnikibiy rayonidiki somali meschitide bir yerge jem bolup, qurban héyt namizini oqudi.

Shiwétsiyede pa'aliyet qiliwatqan teklimakan islam medeniyet merkizining orunlashturushi bilen qurban héyt namizida jem bolghan Uyghurlar Uyghurche xutbeni anglap, qurban héytini qizghin mubarekleshti.

Qurban héyt namizini oqughan teklimakan islam medeniyet merkizining mes'uli ömer mexsum, namaz xutbisida ibrahim eleyhissalam allah yolida qilghan pidakarliq, qurbanliqini ayet, hedisler bilen sherhlep, Uyghur jama'itini allah rizasi yolida ibrahim we isma'il eleyhissalamdek allah yolida qurbanliq béreleydighan bolushqa, allah rizasi üchün sherqiy türkistandiki xitay tajawuzchilirigha qarshi xelqimiz bilen bir septe turushqa dewet qildi.

Sitokholm etrapida yashawatqan Uyghurlardin bolup 200din artuq kishi qatnashqan namazdin kéyin ziyaritimizni qobul qilghan dilmurat ependi we teklimakan islam medeniyet merkizining bash katipi abdullah kökyar özining héytliq salimini radi'o dolqunliri arqiliq izhar qildi.

Namazdin kéyin köpchilik birlikte bir-birining qurban héytini qizghin tebrikleshti hemde öz-ara öylirige héyt petisi qilishti.