1200 Etrapida Uyghur kök bayraq astida iptar ziyapitige qatnashti

Ixtiyariy muxbirimiz erkin tarim
2016.06.23
Share on WhatsApp
Share on WhatsApp
qeyseri-kokbayraq-iptar-1.jpg

Qeyseri sheherlik hökümet qadir xas yighin zalida 1200 etrapida Uyghurgha kök bayraq astida bergen iptar ziyapitidin körünüsh. 2016-Yili 21-iyun, türkiye. RFA/Erkin Tarim

qeyseri-kokbayraq-iptar-2.jpg

Qeyseri sheherlik hökümet qadir xas yighin zalida 1200 etrapida Uyghurgha kök bayraq astida bergen iptar ziyapitidin körünüsh. 2016-Yili 21-iyun, türkiye. RFA/Erkin Tarim

qeyseri-kokbayraq-iptar-3.jpg

Qeyseri sheherlik hökümet qadir xas yighin zalida 1200 etrapida Uyghurgha kök bayraq astida bergen iptar ziyapitidin körünüsh. 2016-Yili 21-iyun, türkiye. RFA/Erkin Tarim

qeyseri-kokbayraq-iptar-4.jpg

Qeyseri sheherlik hökümet qadir xas yighin zalida 1200 etrapida Uyghurgha kök bayraq astida bergen iptar ziyapitidin körünüsh. 2016-Yili 21-iyun, türkiye. RFA/Erkin Tarim

dolet-baghcheli-iptar-seyit-tumturk.jpg

Sabiq bash ministir mu'awini, milletchi heriket partiyesi re'isi dölet baghcheli özi bergen iptar ziyapitide séyit tümtürk ependi bilen körüshti. 2016-Yili 18-iyun, türkiye. RFA/Erkin Tarim

dolet-baghcheli-iptar-uyghur-tumturk.jpg

Sabiq bash ministir mu'awini, milletchi heriket partiyesi re'isi dölet baghcheli özi bergen iptar ziyapitide söz qilmaqta. 2016-Yili 18-iyun, türkiye. RFA/Erkin Tarim

dolet-baghcheli-iptar-uyghur-tumturk-1.jpg

Sabiq bash ministir mu'awini, milletchi heriket partiyesi re'isi dölet baghcheli bergen iptar ziyapitide séyit tümtürk ependi qatarliq Uyghurlar. 2016-Yili 18-iyun, türkiye. RFA/Erkin Tarim

Qeyseri sheherlik hökümet 6-ayning 21-küni qadir xas yighin zalida 1200 etrapida Uyghurni bir yerge jem qilip, kök bayraq astida iptar ziyapiti berdi. Bu iptar ziyapitige 1964-yili afghanistan arqiliq türkiyege kélip olturaqliship qalghan Uyghurlar bilen ötken yili malayshiya tayland arqiliq türkiyege kelgen musapir Uyghurlar qatnashqan. Zalning del otturisigha ay yultuzluq kök bayraq bilen türkiyening bayriqi ésilghan bolup, iptar ziyapiti qur'an tilawiti bilen bashlan'ghan. Uyghur musulmanlar her xil nazu-nimetler bilen éghiz échishqandin kéyin, du'a tilawiti bilen axirlashturghan.

Qeyseri shehirining mu'awin bashliqi xalil büyüknalbant ependi, échilsh nutqida, könglining her da'im sherqiy türkistanda ikenlikini, insanning köngli nede bolsa eqliningmu u yerde bolidighanliqini bayan qildi. Qeyseri sheherlik hökümetning www.kayseri.bel.tr Tor bétining bu heqtiki xewiride, mu'awin sheher bashliqi iptar ziyapitide qilghan nutqida, xitay hökümitining sherqiy türkistanni üsti ochuq türmige aylanduruwetkenlikini, bu yerdin igiligen melumatlargha asaslan'ghanda Uyghurlarning rozi tutushining, ibadet qilishining cheklen'genlikini tekitligen. U, Uyghurlarning rozi éyini tebrikligen.

Bu heqte ziyaritimizni qobul qilghan, bu pa'aliyetni qeyseri sheherlik hökümet bilen ortaq uyushturghan sherqiy türkistan medeniyet we hemkarliq jem'iyiti re'isi séyit tümtürk ependi uzun yillardin béri qeyseri sheherlik hökümetning her yili teshkilat merkizide Uyghurlargha iptar ziyapiti bérip kelgenlikini, bu yil 1200 kishilik chong zalda Uyghurlargha ziyapet bergenlikini tekitlidi.

Séyit tümtürk ependi bu iptar ziyapitini uyushturushtiki meqsitining burun kelgen Uyghurlar bilen yéngi kelgen Uyghurlarni bir yerge jem qilish ikenlikini dédi.

Séyit tümtürk ependi ramizan éyida teklip qilin'ghan iptar ziyapetlirini purset dep bilip, sherqiy türkistan mesilisini kün tertipke élip kéliwatqanliqini, 6-ayning 18-küni sabiq bash ministir mu'awini, milletchi heriket partiyesi re'isi dölet baghchelining bergen iptar ziyapitige qatniship Uyghurlarning hazirqi weziyiti toghrisida melumat bergenlikini bayan qildi.

Qeyseri sheherlik hökümet bergen iptar ziyapitige qatnashqan Uyghur meschitining imami emin qarim, türklerning özlirige körsetken bu méhman dostluqidin, özlirige qiliwatqan enserlikidin qattiq tesirlen'genlikini, xitay hökümitining Uyghurlargha qiliwatqan heqsizliqigha bolghan naraziliqining qattiq kücheygenlikini bayan qildi.

Qeyseri sheherlik hökümetning Uyghurlargha iptar bérishi, en'enige aylan'ghan bolup, bu yil eng köp sanda Uyghur ishtirak qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.