Tyen'enmén hujumchisi osman hesenning hayat kechmishi heqqide melumatlar

Melum bolushiche, osman hesen ürümchide we xitay ölkiliride yashash we tijaret qilish dawamida hayat tejribilirige asasen, özini idiye we étiqad jehettin yétildürüp mangghan. Xitay ölkiliride tijaret qilip belgilik bayliq toplighan bolsimu, haraq-sharab qatarliq keypi-sapa yolliridin özini uzaq tutup kelgen. U 2006-yiligha kelgende hidayet yoligha téximu puxta qedem bésip dost we tonush-bilishlirining izzet-hörmitige érishken. Osman hesenni 2 yilning aldida üzümchidiki bir toyda saqalliq we qolida teswi tutqan halette körgen bir yurtdishining bayan qilishiche, u ürümchide échiwatqan perishte-saqal namliq ashxanisini bu yil ikkinchi ayda bashqa birige sétiwétip, xitay ölkilirige ketken؛ emma aridin uzun ötmey ürümchige qaytip kélip, taki 9-ayning béshigha qeder ürümchide turghan.

Töwende tyen'enmén hujumchisi osman hesenning kechmishliri heqqide uning yurtdashliridin igilen'gen melumatlarni diqqitinglargha sunimiz.

So'al : aqtuning üjme saqchixanisimu bu?
Xadim: shundaq!
So'al: qaysi küni siler soraq qilghan osman hesenning dosti we 3-kent sékrétarining téléfoni dep béring?
Xadim: bolidu, 131....

Ziyaritimizni qobul qilghan, osman hesenning bashlan'ghuchtiki besh yilliq sawaqdishi qasimjan mijitning bayan qilishiche, osman hesen bala chaghlirida kepsiz, derslerde orta hal balilardin bolup u ichkirige kirip ish-oqet qilghandin kéyin, salmaq we salapetlik bir kishige aylan'ghan. Qasimjanning yene bayan qilishiche, osman hesen kishiler bolghan mu'amilisining siliq-sipayeliqi bilenmu diqqet tartqan. Osman hesenni 4-5 yilning aldida “Xéli loben süpet bopqaptiken” dep teripligen qasimjan, osman hesenning ablikim hesen isimlik bir inisining birqanche yilning aldida bir sirliq qatnash weqeside ölgenlikini osman hesenning “Inim qestke uchridi” dep qaqshap yürgenlikini bayan qildi. Emma u osmanning qest qildi dep kimdin guman qilidighanliqidin xewersizlikini éytti.

Ziyaritimizni qobul qilghan, 3-kent sékrétari osman hesen üstide toxtilip, osman hesenning kemsöz éghir bésiq biri ikenlikini, xeyr-saxawet ishliridimu aktip ikenlikini éytti.

---- Kentimizge su turubisi yatquziwatqantuq, pulimiz yétishmey qaldi, osmandin pul sorap turduq؛ u ikkilenmeyla 30 ming yüenni kötürüp chiqti, biz uningdin 3000 yüenni élip turduq. Anglisam u meschitke pul toplan'ghanda 30 ming yüen yardem qiptu....

Sékrétar bu sözliridin kéyin osman hesenning her qétim yurtqa kelginide ularni méhman qilidighanliqini, emma özining haraq ichmeydighanliqini, hetta gepkimu jiq arilashmay, asasen gep anglap olturidighanliqini bayan qildi.

‏-‏-‏-‏- Bu yil 2-ayda ürümchige barghantim, osman yoqlap kétey dep, uni sürüshte qildim, uni 10-yolning axirida téléwiziye istansining keynide bir yerde “Perishte saqal"dep bir ashxana achti dep anglidim؛ barsam, dukanni bashqa bir kishi ötküzüwaptu,” osman ashxanini bizge sétiwétip ichkirige kirip ketti dédi؛ shuning bilen körüshelmey qaytip keldim.

Sékrétar yuqiriqi sözliridin kéyin osmanning bu yil 2-aylarda ashxanisini sétiwétip ichkirige kirip ketkendin kéyin anche uzun ötmey yene ürümchige qaytip chiqqanliqini éytti. “Uning öyi aqtu bensichu(ish béjirish orni) idi” dégen sékrétar aqtu üjme yézisining yéngi'aymaq kentidin ürümchige barghan 4 kishining bu yil 8-ayda ürümchige barghinida osmanning öyide méhman bolghanliqini bayan qildi.

Sékrétarning bu bayanliridin qarighanda, osman hesen tyen'enmin'ge hujum élip bérishtin bir yaki ikki ay awwal ürümchide ikenliki melum. Osman hesennning kéyinki mezgillerde diniy étiqadining téximu mustehkemlen'genlikini arilishidighan dost-buraderlirige qaritamu bir tallash we shallash élip barghanliqini bayan qilghan sékrétar, kenttiki birqanche oyunchi “Haraq-sharab ichidighan” dostliri bultur ürümchige barghinida osman hesenning ulardin özini tartqanliqini bayan qildi.

---- Bizningkiler 2011-yili ürümchige bir toygha barghan, osmanni körüptu, osman saqal qoyghan we qolida teswi tutup turuwalghan iken, bizning aghinilerni körmeske séliwaptu؛ burun undaq emesti, özi ichmigen bilen ichkenler bilen bille olturatti, u 2006-yillardin kéyin perqliq bir ademge aylan'ghan.

Sékrétarning bayan qilishiche, u bir qétim yurtqa kelginide, aqtu nahiyilik saqchixanining mu'awin bashliqi machang dégen kishi bilen soqushup qalghan. Machang u küni mest bolup motsikliti bilen osmanning motsiklitini soquwétip, arqidin osmanni tillighan, osman saqchi bashliqi machangni urup yatquzuwétip, qéchip ketken. Etisi machangning chaparmenliri osmanni tutquni kelginide u alliqachan aqtudin kétip bolghan. Melum bolushiche bu weqe uning yurtqa qaytalmasliqigha seweb bolghan.