Ғулҗида олтурушлуқ уйғур аял: уйғур аяллири һөкүмәтниң бесимини дәп һиҗабни салмаслиқи керәк
Мухбиримиз әркин
2013.07.31
2013.07.31

RFA/Ekrem
Хитай һөкүмити уйғур елидә диний чәклимини мислисиз күчәйтип, уйғур аяллириниң һиҗаб, чүмбәл артишини, пәрәнҗә кийишини чәклигән вә һиҗаблиқ аялларниң аммиви сорунларға, һөкүмәт органлириға киришини, аммиви қатнаш васитилиригә олтурушини мәни қилған иди.
Бирақ, ғулҗа шәһириниң қарадөң йезисида олтурушлуқ гүлсүм ханимниң билдүрүшичә, диний чәклимә уйғурлардики етиқадни суслаштуралмиған, бәлки илгириләп күчәйткән.
У, бүгүн радиойимизниң зияритини қобул қилип, ғулҗидики һиҗаблиқ аялларниң әһвали һәққидә тохталди.
Униң илгири сүрүшичә, һиҗаб мусулман аяллириға диний зөрүрийәт, уйғур аяллири һөкүмәтниң бесимини дәп һиҗабни салмаслиқи керәк.
Гүлсүм ханимниң ери илгири диний сәвәбләрдин тутқун қилинип, бир мәзгилдин кейин қоюп берилгән иди.