Ghuljida olturushluq Uyghur ayal: Uyghur ayalliri hökümetning bésimini dep hijabni salmasliqi kérek

Xitay hökümiti Uyghur élide diniy cheklimini mislisiz kücheytip, Uyghur ayallirining hijab, chümbel artishini, perenje kiyishini chekligen we hijabliq ayallarning ammiwi sorunlargha, hökümet organlirigha kirishini, ammiwi qatnash wasitilirige olturushini men'i qilghan idi.

Biraq, ghulja shehirining qaradöng yézisida olturushluq gülsüm xanimning bildürüshiche, diniy cheklime Uyghurlardiki étiqadni suslashturalmighan, belki ilgirilep kücheytken.

U, bügün radi'oyimizning ziyaritini qobul qilip, ghuljidiki hijabliq ayallarning ehwali heqqide toxtaldi.

Uning ilgiri sürüshiche, hijab musulman ayallirigha diniy zörüriyet, Uyghur ayalliri hökümetning bésimini dep hijabni salmasliqi kérek.

Gülsüm xanimning éri ilgiri diniy seweblerdin tutqun qilinip, bir mezgildin kéyin qoyup bérilgen idi.