Уйғур муслимәләр чәтәлләрдә (1)

Хитай һөкүмитиниң чүмбәл тартиш, һиҗаплинишқа охшаш ислами түстә кийинишини җинайәт дәп бекитиватқанлиқи вә уйғурларға қаратқан бу хил диний бастурушларни қанунлаштурушқа урунуши, уйғурларниңла әмәс, барлиқ инсан һәқлирини һөрмәт қилидиған дөләтләр вә органларниң қарши туруши, инкас қайтурушиға сәвәб болуватқан вәзийәттә, хитай һөкүмитиниң нөвәттә тәшвиқат күчи арқилиқ қаршилиқларни йеңишкә һәрикәт қиливатқанлиқи диққәт тартмақта.

Тәңритағ торида йеқинқи күнләрдә елан қилинған “аялларниң орнивелиши” ни чәкләш тоғрисида намлиқ мақалә буниң бир ипадиси. Даириләр мақалидә фирансийә, голландийә, түркийә, италийә, австралийә қатарлиқ 9 дөләтниң “орнивелиш” ни қанун чиқириш арқилиқ чәклигәнликини мисал елип, пүтүн дуня миқясида “аялларниң орнивелиши қарши елинмайду” дегәндәк сәпсәтисини йоллуқ көрситишкә урунған.

Бу һәқтә радийомизға дуняниң һәр қайси җайлиридин инкас қилған һиҗаблиқ уйғур ханим-қизлири хитайниң уйғурларға қаратқан диний чәклимилирини ақлаш үчүн елан қиливатқан бу хил тәшвиқатлириға өзиниң бир мусулман аял болуш сүпитидә чәтәлләрдики әмәлий һаятини тонуштуруш арқилиқ рәддийә бәрди.

Бу һәқтики мәхсус сөһбәт хатирисиниң бүгүнки қисмида, вашингтондики йәмлибикә ханим вә истанбулда яшаватқан мунәввәр ханимларниң һиҗабланғандин кейинки һаяти билән тонушуп чиқимиз.

Юқиридики аваз улиниши арқилиқ сөһбитимизгә диққәт бәргәйсиләр.