Uyghur muslimeler chet'ellerde (1)

Xitay hökümitining chümbel tartish, hijaplinishqa oxshash islami tüste kiyinishini jinayet dep békitiwatqanliqi we Uyghurlargha qaratqan bu xil diniy basturushlarni qanunlashturushqa urunushi, Uyghurlarningla emes, barliq insan heqlirini hörmet qilidighan döletler we organlarning qarshi turushi, inkas qayturushigha seweb boluwatqan weziyette, xitay hökümitining nöwette teshwiqat küchi arqiliq qarshiliqlarni yéngishke heriket qiliwatqanliqi diqqet tartmaqta.

Tengritagh torida yéqinqi künlerde élan qilin'ghan “Ayallarning orniwélishi” ni cheklesh toghrisida namliq maqale buning bir ipadisi. Da'iriler maqalide firansiye, gollandiye, türkiye, italiye, awstraliye qatarliq 9 döletning “Orniwélish” ni qanun chiqirish arqiliq chekligenlikini misal élip, pütün dunya miqyasida “Ayallarning orniwélishi qarshi élinmaydu” dégendek sepsetisini yolluq körsitishke urun'ghan.

Bu heqte radiyomizgha dunyaning her qaysi jayliridin inkas qilghan hijabliq Uyghur xanim-qizliri xitayning Uyghurlargha qaratqan diniy cheklimilirini aqlash üchün élan qiliwatqan bu xil teshwiqatlirigha özining bir musulman ayal bolush süpitide chet'ellerdiki emeliy hayatini tonushturush arqiliq reddiye berdi.

Bu heqtiki mexsus söhbet xatirisining bügünki qismida, washin'gtondiki yemlibike xanim we istanbulda yashawatqan munewwer xanimlarning hijablan'ghandin kéyinki hayati bilen tonushup chiqimiz.

Yuqiridiki awaz ulinishi arqiliq söhbitimizge diqqet bergeysiler.