Toqsu chilanda tor oynighan 3 yash qamaqta, étizliqta imam bolghan bir kishi türmide

Muxbirimiz shöhret hoshur
2015-05-28
Share
rayon-atlap-namaz-din.JPG Melum kochigha chaplan'ghan "Rayon atlap namaz oqush qanunsiz diniy pa'aliyet bolidu" dégen uqturush.
www.weibo.com

Toqsu nahiyisining chilan kent amanliq mudirining pash qilishiche, bultur 22‏-may etigenlik bazargha hujum qilish weqesidin kéyin bashlan'ghan qattiq zerbe bérish dolquni dawamida mezkur kentte 3 neper yash hökümet qanunsiz dep qarighan uchurlarni bilip-bilmey oqughan we yollighanliqi üchün tutqun qilin'ghan. Ular nöwette toqsu qamaqxanida tutup turulmaqta.

Yene bu amanliq mudirining ashkarilishiche, mezkur kenttiki memet toxti isim 37 yashliq bir déhqan özi ishlemchilik qiliwatqan étiz béshida 5 kishige jüme namizida kinishkisiz halda imamliq qilghanliqi üchün qolgha élinip 7 yilliq késilgen. Kinishkisiz imamgha egiship jüme namizi oqughan 5 kishi bashqa kentlerdin bolup, oxshimighan derijide jazalan'ghan.

Xitay metbu'atliri ötken hepte, Uyghur rayonida bir yil dawam qilghan qattiq zerbe bérish herikitide 181 térrorluq guruhining pash qilinip bir terep qilin'ghanliqini élan qilghan؛ bu heqte pikir bayan qilghan dunya Uyghur qurultiyi re'isi rabiye qadir xanim xitay térrorluq bilen eyiblep jazalighan kishilerning mutleq köpchilikining erkin uchur almashturush hoquqidin paydilan'ghan tor qollan'ghuchiliri ikenlikini we diniy étiqadi mustehkem kishilerning nuqtiliq zerbe nishani bolghanliqini otturigha qoyghan idi. Yuqiridiki amanliq mudiri tilgha alghan kishiler ene shu dolqunda zerbige uchrighanlar. Melum bolushiche, chilan kenti toqsuning 19 ming nopusluq yultuzbagh yézisidiki 17 kentning biri, nopusi 1000 etrapida, mana bu pakitlar, dunya Uyghur qurultiyining mezkur melumatining toghriliqini ispatlimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet