Үрүмчидики мәсчитләрдә рамизанда бамдат намизидин кейин дөләт байриқини чиқириш йолға қоюлған

Ихтиярий мухбиримиз һаҗи қутлуқ қадири
2017.06.14
meschit-bayraq-chiqirish-1.jpg Уйғур райониниң чиңгил наһийәсидә мәсчитниң алдида байрақ чиқириватқан көрүнүш.
xjts.cn

Үрүмчи шәһиридики адвукатлардин йеши йәтмиштин һалқиған мәмәт имин әпәндим бүгүн зияритимизни қобул қилип рамзан ейи киргәндин буян үрүмчи шәһиридики мәсчитләрдә кимлик тәкшүрүш вә мәсчитләрдә тәравиһ намизи оқулуп болғучә сақчилар көзәткүчиликтә туруштин ибарәт бу хил һәрикәтләрниң илгирикигә охшашла давам қиливатқанлиқи һәққидә тохталди.

Адвокат мәмәт имин әпәндиниң билдүрүшичә, рамзан киргәндин буян уйғур елидики радийо-телевизийәләр муқимлиқни“үч хил күч” ләргә тақабил турушни тәрғиб қилиш қилиш билән биргә 1-июн хитай дөләт кабинети елан қилған “шинҗаң кишилик һоқуқ тәрәққияти” намидики ақ ташлиқ китабни тәшвиқ қилишни башлиған.

Униң ейтишичә, рамзан ейи киргәндин буян мәчитләрдики қутбә намазлиридики вәз нәсиһәтләрдә мәсчит имамлири “бөлгүнчилик” вә “террорлуқ” қа қарши туруш бу хил һәрикәтләрни паш қилиш тоғрисида вәз нәсиһәт сөзләшкә башлиған.

Адвокат мәмәт имин әпәндиниң баян қилишичә,мәсчитләрдә байрақ чиқириш йолға қоюлған болуп,бу һәр күнлүки адәттә бамдат намизидин кейин елип берилидикән.

Биз үрүмчидики мәсчитләрдә елип бериливатқан байрақ чиқириш паалийити һәққидә үрүмчидики “тәңритағ” “ниңша” мәсчити қатарлиқ уйғур вә туңган мәсчитлиригә телефон қилип бу һәқтә учур игилимәкчи болған болсақму,бирақ телефонлиримиз җавабсиз қалди.

Биз адвокат мәмәт имин әпәндиниң баянлириға асасән үрүмчи шәһәрлик ислам диний җәмийитиниң муфтиси, бәйтул мәмур мәсчитиниң имами шерип һаҗим дамолламға телефон қилип үрүмчидики мәсчитләрдә елип бериливатқан байрақ чиқириш тоғрисида учур игилимәкчи болған болсақму, бирақ шерип һаҗим дамоллам өзиниң алдирашлиқини сәвәб қилип биз билән сөһбәт елип бериштин өзини қачурди.

Юқириқи аваз улинишидин тәпсилатини аңлаң.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.